ამერიკის შეერთებული შტატების კონგრესის წარმომადგენელთა პალატამ დაამტკიცა კანონპროექტი, რომლის თანახმადაც, რუსეთის მიერ მოქალაქეებსა და სხვა სახელმწიფოების მთავრობებზე ფარული გავლენისგან დაცვის მიზნით, სპეციალური სტრუქტურა შეიქმნება, - ამის შესახებ ინფორმაციას BBC ავრცელებს.

როგორც მედია საშუალება წერს, დოკუმენტი 2017 წელს სადაზვერვო უწყებების დაფინანსებას ეხება და მას საიდუმლო დანართი აქვს, რომელშიც ნაციონალური უსაფრთხოების წინაშე არსებულ გამოწვევებზეა საუბარი.

კანონპროექტს წარმოამდგენელთა პალატის 390 წევრმა მხარი დაუჭირა, წინააღმდეგი კი 30 კანონმდებელი იყო. ამასთან, 93-გვერდიან დოკუმენტში ნათქვამია, რომ "რუსეთი მედიის მანიპულირებას ახორციელებს და გავლენის აგენტებს აფინანსებს, ასევე ერებსა და მთავრობებზე ფარულ გავლენას ახორციელებს".

სპეციალურ სტრუქტურას დაევალება, რუსეთის ფარული გავლენის პოლიტიკას, მათ შორის დეზინფორმაციის, გავლენის აგენტების, რუსეთის უსაფრთხოების ძალებისა და პოლიტიკური ელიტის მიერ ჩადენილი კორუფციის, ადამიანის უფლებების დარღვევის, ტერორიზმისა და მკვლელობების ფაქტების გამოვლენის გზით წინააღმდეგობა გაუწიოს.

კანონპროექტის თანახმად, აშშ-ის დაზვერვაზე 2017 წელს 70 მილიარდ დოლარზე მეტი გამოიყოფა.

აშშ-ის სენატმა დოკუმენტი წლის ბოლომდე უნდა განიხილოს, რის შემდეგაც ის ქვეყნის პრეზიდენტს გადაეგზავნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა