საქართველოს პრეზიდენტის პოლიტიკური მდივნის ფიქრია ჩიხრაძის განცხადებით, საკონსტიტუციო კომისიასთან დაკავშირებით საქართველოს პრეზიდენტის შეთავაზებაზე საპარლამენტო უმრავლესობის პასუხი საზოგადოებაში, ამ პროცესის მიმართ, გარკვეული უნდობლობის განცდას აჩენს.

„საკონსტიტუციო ცვლილებებს სჭირდება ძალიან ფართო ჩართულობა და მაღალი სანდოობა,  გამომდინარე იქიდან, რომ ჩვენ ამ თვალსაზრისით გვაქვს ძალიან ცუდი გამოცდილება წინა პერიოდებში საკონსტიტუციო კომისიების მუშაობისა და შესაბამისად, კონსტიტუციური ცვლილებების კონკრეტულ პოლიტიკურ ძალაზე მორგებისა.  ჩვენ შევთავაზეთ სწორედ ის ინიციატივა, რომ მაღალი სანდოობის უზრუნველყოფისათვის კომისია შექმნილიყო მაღალი წარმომადგენლობით - პრეზიდენტის, პრემიერ-მინისტრისა და პარლამენტის თავმჯდომარის თანათავმჯდომარეობით და ფართო ჩართულობის უზრუნველყოფით. სამწუხაროდ, ეს წინადადება არ გაიზიარა უმრავლესობამ. მათგან მივიღეთ პასუხი, რაც მე ვთვლი, რომ ამ პროცესისთვის ძალიან ცუდია. უპირველეს ყოვლისა, ცუდია იმიტომ, რომ ამ პროცესის მიმართ დასაწყისშივე აჩენს გარკვეული უნდობლობის განცდას, როგორც ჩვენში, ისე საზოგადოებაში",  - განაცხადა ფიქრია ჩიხრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა