ექსპერტი პოლიტიკის საკითხებში კორნელი კაკაჩია მიიჩნევს, რომ ევროპარლამენტს საქართველოსთვის ვიზალიბერალიზაციის პროცესის გაჭიანურება არ სურს.

როგორც კაკაჩიამ "ექსპრესნიუსს” განუცხადა, გასათვალისწინებელია, რომ ევროპარლამენტი სხვა მნიშვნელოვან საკითხებზეც მსჯელობს და მათთვის ვიზალიბერალიზაციის პროცესი საჩქარო არ არის.

"მე არ მრჩება იმის შთაბეჭდილება, რომ ევროპარლამენტს სურს საქართველოსთვის ვიზელიბერალიზაციის პროცესი გაჭიანურდეს. გადაწყვეტილება პრინციპში მიღებულია, დადებითი აზრი აქვს ყველას, უბრალოდ დროის საკითხი არის გაურკვეველი. იმის გათვალისწინებით, რომ 28 წევრი სახელმწიფო უნდა შეიკრიბოს და სხვადასხვა მნიშვნელოვან საკითხებზე იმსჯელოს, მათ შორის საქართველოსთან და უკრაინასთან დაკავშირებით, კონსენსუსის მიღწევა ხშირად ვერ ხდება. ვიცით, რომ გადაწყვეტილებები ძალიან ხშირად იწელება. გასათვალისწინებელია, რომ ევროპარლამენტი სხვა მნიშვნელოვან საკითხებზეც მსჯელობს. აღნიშნული საკითხი ევროკავშირისთვის მაინცდამაინც პრიორიტეტული და საჩქარო არ არის, განსაკუთრებით სირიის საკითხების ფონზე. ამას ემატება ამერიკის არჩევნები და არავინ იცის, როგორი იქნება ევროატლანტიკური ურთიერთობები ტრამპის არჩევის შემდეგ. ამიტომ, ვერ ვიტყვი, რომ ვიღაცა სპეციალურად, საგანგებოდ აკეთებს რამეს, რომ ვიზალიბერალიზაციის პროცესი გაიწელოს", - განაცხადა კაკაჩიამ.

ექსპერტის შეფასებით, საქართველოსთან და უკრაინასთან მიმართებაში პოზიტიური გადაწყვეტილებაა მიღებული და საქართველომ ე.წ სტრატეგიული მოთმინება უნდა გამოიჩინოს.

"ყველაზე მთავარი საკითხი არის ის, რომ ევროკავშირი ჯერჯერობით ვერ ჩამოყალიბდა "შეჩერების მექანიზმთან" დაკავშირებით. ჩვენ როგორც ვიცით, ჯერ უნდა მიიღონ ე.წ შეჩერების მექანიზმი, რის შემდეგაც მოხდება საქართველოსთვის ვიზალიბერალიზაციის საკითხის განხილვა. სწორედ ამ საკითხთან დაკავშირებით, ვერ ხერხდება საბოლოო კონსენსუსის ჩამოყალიბება. აღსანიშნავია, რომ ჩვენ უკრაინასთან ერთად ვართ პაკეტში და უკრაინის საკითხი პრობლემატური უკვე არ არის.

იმ ბიუროკრატიული "მახინის", რასაც ევროკავშირი ჰქვია, ნეგატიურ კონტექსტში განხილვა არის უმადური საქმე. ფაქტი არის ერთი რამ, ვიზალიბერალიზაცია უბრალოდ დროის საკითხია. ზოგადად პოზიტიური გადაწყვეტილება, რომ მიღებულია ეს ფაქტია. მესმის, რომ გვეჩქარება და გვინდა, რომ ვიზალიბერალიზაცია რაც შეიძლება მალე მოხდეს, მაგრამ დარწმუნებული ვარ, რომ მომავალ წელს ეს აუცილებლად მოხდება", - აღნიშნა კორნელი კაკაჩიამ.

მისივე თქმით, საქართველოს ვიზალიბერალიზაციის საკითხთან დაკავშირებით საეჭვო არაფერი აქვს.

შეგახსენებთ, რომ ევროპარლამენტი უვიზო რეჟიმის ე.წ შეჩერების მექანიზმს სავარაუდოდ 2017 წლის 18 იანვარს განიხილავს. საქართველოსთვის და უკრაინისათვის უვიზო რეჟიმის ამოქმედება მომავალ წლამდე გადაიდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო