აღსრულების ეროვნულმა ბიურომ ჟურნალისტებთან ორდღიანი სამუშაო შეხვედრა გამართა. რეგიონული მედიის წარმომადგენლებს აღსრულების ეროვნული ბიუროს თავმჯდომარემ და სხვადასხვა სამსახურის უფროსებმა ბიუროს პროექტებისა და სიახლეების შესახებ პრეზენტაცია წარუდგინეს.

შეხვედრის ძირითადი თემები სააღსრულებო სისტემა, საქართველოს აღსრულების ეროვნული ბიუროს მიზნები, ხედვები, ამოცანები, სტრატეგიული გეგმები, ღირებულებები, საზოგადოებასთან ურთიერთობა და სააღსრულებო პროცედურები იყო.

სამსახურის თანამშრომლებმა მედიის წარმომადგენლებს მიაწოდეს ინფორმაცია სააღსრულებო საქმისწარმოების პროცედურებისა და იმ სერვისების შესახებ, რომელთაც აღსრულების ეროვნული ბიურო გასცემს, მათ შორის, ფაქტების კონსტანტაცია, გამარტივებული საქმისწარმოება და სხვა.

რეგიონული მედიის წარმომადგენლებმა პირადად მოისმინეს ინფორმაცია აღსრულების ეროვნული ბიუროს თავმჯდომარისგან, თუ როგორია ბიუროს განახლებული მიდგომა და პოლიტიკა მოქალაქეების მიმართ; იოსებ ბაღათურიამ ჟურნალისტებს მიაწოდა ინფორმაცია თითოეულ სააღსრულებო საქმისწარმოებაშიმხარეთა ინტერესების დაცვის სამსახურისა და სოციალური მუშაკის ჩართულობის შესახებ. ჟურნალისტები გაეცნენ ბიუროს მიერ მორიგებით დასრულებული საქმეების სტატისტიკას.

საინფორმაციო სემინარი 25-26 ნოემბერს თბილისში გაიმართა და მას საქართველოს მასშტაბით 30 რეგიონული მედიის წარმომადგენელი ესწრებოდა. მედია ტრენინგი გერმანიის შემნახველი ბანკების ფონდის მხარდაჭერით განხორციელდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გზების დეპარტამენტი: საქართველოში ფასიანი გზები არ იქნება

წილოსანი: არავინ დაბულინგდება, რომ ივანიშვილის შექება მოგვერიდოს

აშშ-ში ქართველი მიგრანტი ICE-ის პატიმრობაში გარდაიცვალა

შსს-მ ნარკოდანაშაულის ბრალდებით 119 პირი დააკავა, მათ შორის 49 ნარკორეალიზატორია