"ნაციონალური მოძრაობის" წევრებმა თავისთვის პატარა კუთხეში ჯოჯოხეთი მოაწყვეს და თვითონვე იხრუკებოდნენ მის ცეცხლში, - ასე გამოეხმაურა ოკუპირებულ ტერიტორიებიდან იძულებით გადაადგილებულ პირთა და ლტოლვილთა მინისტრობის კანდიდატი სოზარ სუბარი პარლამენტში „ნაციონალური მოძრაობის“ წევრების გუშინდელ გამოსვლას.   

როგორც სუბარმა აღნიშნა, დღეს უმცირესობის წევრები ბევრად უფრო საგნობრივ საკითხებზე ამახვილებენ ყურადღებას. 

“მე არ ვარ დარწმუნებული, რომ ბოლომდე ასე გაგრძელდება საპარლამენტო განხილვა. დღეს პირველად როდესაც, ოპოზიციის მხრიდან კითხვები არის საგნობრივი და არა რაღაც უაზრო ბრალდებები რასაც, გუშინ ჰქონდა ადგილი. არ მჯერა, რომ მათგან რამე კონსტრუქციულობა მოსალოდნელია, მაგრამ ყოველ შემთხვევაში დღეს თავშეკავებულად იქცეოდნენ. „ნაციონალური მოძრაობის“ გუშინდელმა ქცევამ გამახსენა, რომ იმუქრებოდნენ ჯოჯოხეთად ვაქცევთ პარლამენტსო. მოაწყვეს თავისთვის პატარა კუთხეში ჯოჯოხეთი და იხრუკებოდნენ მის ცეცხლში თვითონვე”, - განაცხადა სოზარ სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს