განათლების მინისტრობის კანდიდატის ალექსანდრე ჯეჯელავას განცხადებით, სტუდენტების ერთი ჯგუფი ცდილობს, გამოხატოს რადიკალური ფორმებით თავისი დამოკიდებულება.

როგორც ჯეჯელავამ აღნიშნა, ის რაც თსუ-ში ხდება, კრიზისს ვერ დაარქმევს. 

"ერთი ჯგუფი სტუდენტების გამოხატავს რადიკალური ფორმებით თავის დამოკიდებულებას. ამიტომ „აუდიტორია 115“ არ დავარქმევდი მათ. ინტენსიური ურთიერთობა მქონდა თავის დროზე "აუდიტორიასთან" და ძალიან ბევრი, ვინც ჩართული იყო ამ ჯგუფში, ახლა დამოუკიდებლად არის, არ ეთანხმება ამ ექსტრემალურ ძალოვან ნაბიჯებს. მინდა ვთქვა, რომ ამ ხალხისთვის ყველა კარი ღიაა.  ძალიან ნეგატიურად მომხვდა ყურში, აპელირება იმის, რომ პრემიერ-მინისტრმა არ შეასრულა დაპირება”, - განაცხადა ჯეჯელავამ.

ჯეჯელავას თქმით, ყველა პუნქტი, რომლის შესრულებასაც პრემიერ-მინისტრი სტუდენტებს დაპირდა, მოგვარდა ან მოგვარების პროცესშია.

“ამ ხალხს ეძახიან სამუშაო მაგიდასთან. მათ უნდოდათ, რომ 45-ე მუხლი შეცვლილიყო, მერე 43-ე მუხლიც შეცვალეს. დღესაც განათლებისა და მეცნიერების ახლად ჩამოყალიბებული კომიტეტი, ჩვენ სამინისტრო, თსუ-ს ადმინისტრაცია და ხელმძღვანელობა, ყველა ეუბნება მათ, რომ ნუ შეუშლით სასწავლო პროცესს ხელს. სტუდენტების ამ ჯგუფს ვეუბნებით, შემოგვიერთდით, ვიმუშაოთ. თუმცა, გუშინ რა მოთხოვნებიც ქონდათ, იყო ახალი და ეს მე მაწუხებს და მიუთითებს იმაზე, რომ ეს ხალხი დაინტერესებულია, გზადაგზა შეცვალონ მოთხოვნები, რათა  არ დასრულდეს პროცესი”, -განაცხადა ალექსანდრე ჯეჯელავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს