პრემიერის მინისტრის მოვალეობის შემსრულებელმა გიორგი კვირიკაშვილმა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის მოვალეობის შემსრულებელს დავით ბაქრაძეს  გაწეული საქმიანობისთვის მადლობა გადაუხადა.

როგორც კვირიკაშვილმა აღნიშნა, ბაქრაძის  ხელმძღვანელობით საქართველოს  შესანიშნავი უწყებათაშორისი კოორდინაცია ჰქონდა ასოცირების ხელშეკრულების სამოქმედო გეგმის განხორციელების კუთხით.

„მინდა ვისარგებლო შემთხვევით და  მადლობა  გადავუხადო ბატონ დავით ბაქრაძეს გაწეული ძალიან ნაყოფიერი წარმატებული საქმიანობისათვის. მისი ხელმძღვანელობით ჩვენ შესანიშნავი უწყებათაშორისი კოორდინაცია გვქონდა ევროკავშირთან ასოცირების ხელშეკრულების სამოქმედო გეგმის განხორციელების კუთხით.  მისი ძალიან აქტიური მონაწილეობით მომზადდა 2017-2020 წლის  რეფორმების დღის წესრიგი ასოცირების ხელშეკრულებიდან  გამომდინარე. მინდა დიდი მადლობა გადავუხადო და წარმატება ვუსურვო შემდგომ საქმიანობაში ამერიკის შეერთებული შტატების ელჩის  პოზიციაზე, რომელიც ასევე უმნიშვნელოვანესი გახლავთ ჩვენი ქვეყნის ევროპული და ევროატლანტიკური ინტეგრაციის კუთხით“,-განაცხადა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს