აშშ-ის ახლადარჩეული პრეზიდენტი დონალდ ტრამპი უნივერსიტეტის საქმეზე საპროცესო შეთანხმების გაფორმებას დათანხმდა და მოსარჩელე მხარეს 25 მილიონ დოლარს (20 მილიონ სტერლინგს) გადაუხდის, - ამის შესახებ ინფორმაციას BBC ავრცელებს.

მედია საშუალების ინფორმაციით, დონალდ ტრამპის კუთვნილებაში არსებული უნივერსიტეტის ყოფილი სტუდენტები უჩიოდნენ. სტუდენტები ამტკიცებდნენ, რომ ძვირადღირებულ და უსარგებლო სემინარებზე დასწრებას აიძულებდნენ, რის სანაცვლოდაც 35 ათასი დოლარის გადახდა უწევდათ.

ამასთან, თავდაპირველად ტრამპი ბრალდებებს უარყოფდა და აცხადებდა, რომ ეს ყველაფერი პოლიტიკურად მოტივირებული სიცრუეა. აღსანიშნავია, რომ საპროცესო გარიგება ტრამპს დანაშუალის აღიარებას არ ავალდებულებს.

მედიის ცნობით,  დაზარალებული სტუდენტები სემინარებში დახარჯულ თანხას უკან სრულად მიიღებენ. კომპენსაციას სულ მცირე 6 ათასი სტუდენტი ელოდება. გენერალური პროკურორის ერიკ შნაიდერმანის თქმით, ის კომპენსაციის სახით თავდაპირველად 40 მილიონს ელოდებოდა. ყოფილი სტუდენტების თქმით, ეს დიდი გამარჯვებაა, რომელსაც ისინი რამდენიმე წლის განმავლობაში ელოდებოდნენ.

ცნობისთვის, 2004 წელს დაწესებულ უნივერსიტეტში უძრავი ქონების ბაზრით დაინტერესებულ ახალგაზრდებს ტრამპის წარმატების ფორმულის სწავლას სთავაზობდა. თუმცა ის უმაღლეს სასწავლებლად არ აღიარეს და მოგვიანებით ის დაიხურა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა