ჩვენ პარლამენტის თავმჯდომარის თანამდებობაზე წარმოდგენილი გყავს კანდიდატი, რომელიც არის კვალიფიციური, საკმაოდ გამოცდილი სამართალმცოდნეობაში, - ამის შესახებ საქართველოს პრემიერ-მინისტრმა გიორგი კვირიკაშვილმა პარლამენტში ჟურნალისტებს განუცხადა.

პრემიერმა ყველა დეპუტატს საქართველოს პარლამენტში არჩევა მიულოცა.

„დღეს ძალიან მნიშვნელოვანი დღეა, პარლამენტი იწყებს მუშაობას. ჩვენ წარმოდგენილი გვყავს კანდიდატი, რომელიც არის კვალიფიციური, საკმაოდ გამოცდილი სამართალმცოდნეობაში და უკვე მნიშვნელოვანი პოლიტიკური გამოცდილებით. დარწმუნებული ვარ, ირაკლი კობახიძე წარმატებით გაართმევს თავს ამ ურთულეს საქმეს, რასაც ჰქვია საქართველოს პარლამენტის თავმჯდომარეობა. საერთოდ, მინდა განვაცხადო, ის, რაც მთელი წინასაარჩევნო პერიოდში განვაცხადეთ - ჩვენი მიზანი იქნება, პარლამენტში იყოს ნორმალური პოლიტიკური პროცესი, აზრთა ჭიდილი, არგუმენტების მოსმენა, გაზიარებაც და მთლიანად საქართველოს პოლიტიკური სპექტრის ჩართულობა იმ პროცესებში, რაც ქვეყნისთვის მნიშვნელოვანია. ჩვენ, ჩვენი მხრიდან, პირობას ვდებთ, რომ ვიქნებით მაქსიმალურად კონსტრუქციულები. რა თქმა უნდა, ოპოზიციამ პოლიტიკურ პროცესს უნდა მისცეს საშუალება, რომ ის წარიმართოს სწორედ ასეთ, კონსტრუქციულ ჭრილში. ეს მხოლოდ გამოადგება ქვეყანას”, - განაცხადა გიორგი კვირიკაშვილმა.

როგორც კვირიკაშვილმა აღნიშნა, მნიშვნელოვანია, ქვეყანაში შეიქმნას სტაბილურობის განცდა და პოლიტიკური პროცესი იყოს ნორმალურ კალაპოტში.

„ბუნებრივია, პარლამენტთან თანამშრომლობა ძალიან მნიშვნელოვანია, მინისტრებიც ითანამშრომლებენ და მეც არაერთხელ მიხილავთ პარლამენტში”, - აღნიშნა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს