უკრაინის პრეზიდენტის გარემოცვაში ოდესის ოლქის ყოფილი გუბერნატორის მიხეილ სააკაშვილის ექსტრადირების შესაძლებლობას განიხილავენ, - ამის შესახებ ინფორმაციას "უკრაინსკაია პრავდა" პრეზიდენტის ადმინისტრაციაში არსებულ წყაროზე დაყრდნობით ავრცელებს.

როგორც წყარო აცხადებს, სააკაშვილისთვის მოქალაქეობის ჩამორთმევის უფლება არ აქვს (უკრაინის კანონმდებლობის თანახმად, პირისთვის მოქალაქეობის ჩამორთმევა ნებადართული არ არის, მაშინ როდესაც პირს სხვა ქვეყნის მოქალაქეობა არ გააჩნია), ამიტომაც, როგორც ვარიანტი, განიხილება მისი საქართველოში ექსტრადირება, სადაც მის წინააღმდეგ სისხლის სამართლის საქმეა აღძრული.

„უკრაინსკაია პრავდამ“ კომენტარისთვის სააკაშვილის პრესსამსახურს მიმართა. სააკაშვილის პრესსამსახურში აღნიშნულთან დაკავშირებით კომენტარს არ აკეტებენ, თუმცა აღნიშნეს, რომ მოგვიანებით ამ საკითხთან დაკავშირებით განცხადებას გაავრცელებენ.

კიდევ ერთი წყაროს ინფორმაციით, მიხეილ სააკაშვილს და უკრაინის პრეზიდენტ პეტრო პოროშენკოს ჰქონდათ შეთანხმება, "არატავდასხმა" საქართველოში არჩევნების ჩატარებამდე.

ამასთან, უკრაინის კანონმდებლობის თანახმად, თუ უკრაინის მოქალაქემ ქვეყნის გარეთ კანონდარღვევა ჩაიდინა, ხელისუფლებას უფლება არ აქვს მისი ექსტრადირება მოახდინოს,იმისთვის, რომ სისხლის სამართლის პასუხისგებაში მისცენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის კიდევ შვიდ რეგიონში ბენზინის გაყიდვებზე შეზღუდვები დაწესდა

კარაფანო: ივანიშვილისთვის დაწესებული სანქციები დაპირებებით არ მოიხსნება, ბურთი "ოცნების" მოედანზეა

უკრაინაში კიდევ ერთი ქართველი მებრძოლი დაიღუპა

ძალოვანებმა პუტინს შესთავაზეს სახელმწიფო დუმის არჩევნების გაუქმება ეკონომიკური პრობლემებისა და დრონების თავდასხმების გამო