მე-9 მოწვევის პარლამენტის სხდომა განახლდა. სამანდატო კომისიის თავმჯდომარემ დეპუტატებს   და მიწვეულ სტუმრებს ფრაქციათა უმრავლესობისა და უმცირესობის შექმნის თაობაზე მიაწოდა ინფორმაცია.  პარლამენტში სულ 5 ფრაქცია დარეგისტრირდა.

კერძოდ, საპარლამენტო უმრავლესობის შემადგენლობაში დარეგისტრირდა ფრაქცია „ქართული ოცნება“, რომელშიც  გაერთიანებულია 110 წევრი. ფრაქციის თავმჯდომარე მამუკა მდინარაძეა, ხოლო მდივანი-ნინო წილოსანი. ასევე, შეიქმნა ფრაქცია „ქართული ოცნება მრეწველები“, რომელშიც გაერთიანებულია პარლამენტის 6 წევრი. თავმჯდომარე სიმონ ნოზაძე, მდივანი კი ელგუჯა გოცირიძეა.

ჯამში, 116 წევრისგან შეიქმნა უმრავლესობა. უმრავლესობის ლიდერი არჩილ თალაკვაძეა.

ამასთან, უმცირესობის შემადგენლობაში  დარეგისტრირდ ფრაქცია „ერთიანი ნაციონალური მოძრაობა“, რომელიც  პარლამენტის 20 წევრისგან შედგება. მისი თავმჯდომარე  ნიკანორ მელიაა. ამავდროულად,  დარეგისტრირდა ფრაქცია „ნაციონალური მოძრაობა-საქართველოს წინსვლისათვის“, თავმჯდომარე ელენე ხოშტარიაა.  ფრაქცია 6 წევრისგან შედგება.

უმცირესობა ჯამში ორი ფრაქციის და მათში შემავალი  26 კაცის შემადგენლობით დარეგისტრირდა.   

 ასევე, დარეგისტრირდა ფრაქცია „საქართველოს პატრიოტები“. ის 6 წევრისგან შედგება. ფრაქციის თავმჯდომარე გიორგი ლომია, ხოლო  მდივანი გელა მიქაძეა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს