პრეზიდენტის დღევანდელმა ტონმა ცოტა გამაოცა და არ ვთვლი, რომ ეს იყო თანამშრომლობის ტონი, - ამის შესახებ დამოუკიდებელმა დეპუტატმა სალომე ზურაბიშვილმა, პარლამენტში საქართველოს პრეზიდენტის სიტყვით გამოსვლის შემდეგ განაცხადა.

როგორც ზურაბიშვილმა აღნიშნა, გიორგი მარგველაშვილს სკოლის დირექტორის ტონი ჰქონდა.

„დღეს დილით მქონდა განწყობა, რომ სკოლაში შევდიოდი. ეს განწყობა გაამძაფრა პრეზიდენტმა, რომელიც დირექტორივით გველაპარაკება და თითს გვიქნევს“,- აღნიშნა ზურაბიშვილმა.

ზურაბისილის თქმით, საერთო ჯამში გიორგი მარგველაშვილის გამოსვლა კარგი იყო. რაც შეეხება მედიის თავისუფლების საკითხს, დამოუკიდებელი დეპუტატი თვლის, რომ ამ მხრივ პრობლემა არ არსებობს.

„პრეზიდენტის გამოსვლა კარგი იყო. მან ბევრ მნიშვნელოვან საკითხზე გაამახვილა ყურადღება. თუმცა, რაც შეეხება მედიის თავისუფლებას, არა მგონია, ამ მხრივ პრობლემა იყოს. ეს ზოგადად მოძველებული საკითხია. ძალიან სამწუხაროა, რომ პრეზიდენტმა საერთოდ არ ისაუბრა ემიგრანტებზე, რომლებიც მილიონზე მეტია და საზღვარგარეთ ცხოვრობენ“,- განაცხადა ჟურნალისტებთან სალომე ზურაბიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს