საქართველოს პრეზიდენტმა გიორგი მარგველაშვილმა სიტყვით გამოსვლის შემდეგ, სიტყვა პარლამენტის უხუცეს წევრს რევაზ არველაძეს გადასცა.

საკონონდებლო ორგანოს უხუცესი წევრი სხდომას თავმჯდომარის არჩევამდე გაუძღვება.

არველაძემ პარლამენტის წევრებს რეგლამენტით განსაზღვრული დღის წესრიგი  წარუდგინა.

„პატივცემულო კოლეგებო უნდა მოგახსენოთ, რომ აპარატიდან მოწოდებული ინფორმაციის საფუძველზე მეცხრე მოწვევის პარლამენტის სხდომას   141 პარლამენტის წევრი ესწრება.სხდომა უფლება მოსილია შეუდგეს საქმიანობას.  ჩვენ უნდა დავამტკიცოთ საქართველოს ცენტრალური საარჩევნო  კომისიის  თავმჯდომარის თამარ ჟვანიას მიერ წინასწარ პარლამენტში გასულ პოლიტიკურ ძალებთან კონსულტაციების შედეგად წარმოდგენელი პარლამენტის დროებითი ხმის დამთვლელი კომისია  11 წევრის შემადგენლობით და პარლამენტის  სამანდატო დროებითი კომისია  17 წევრის შემადგენლობით.  უნდა მოვუსმინოთ ქალბატონ თამარ ჟვანიას ინფორმაციას პარლამენტის არჩევნების შედეგების შესახებ. შემდეგ გამოვაცხადებთ ერთ საათიან შესვენებას, რათა პარლამენტის ხმის დამთვლელმა კომისიამ  და სამანდატო კომისიამ აირჩიონ თავიანთი თავმჯდომარეები  და მდივნები, ამავე დროს პარლამენტის დროებითმა სამანდატო კომისიამ  უნდა შეისწავლოს ცენტრალური საარჩევნო კომისიის  მიერ გადაცემული მასალები.  შესვენების შემდეგ მოვუსმენთ სამანდატო კომისიის თავმჯდომარეს, ცენტრალური საარჩევნო კომისიის მიერ გადაცემული  მასალების შესწავლის  შესახებ. ამის შემდეგ კენჭს ვუყრით პარლამენტის დადგენილებას,  პარლამენტის წევრთა უფლებამოსილების შესახებ, შემდეგ დავდებთ ქვეყნისადმი ერთგულების ფიცს, ამის შეგდებ კიდევ დაგვჭირდება ერთი შესვენება, რათა პარლამენტის დროებითმა სამანდატო კომისიამ რეგისტრაციაში გაატაროს საპარალამენტო ფრაქციები, უმრავლესობა და უცირესობა. ამის შემდეგ ავირჩევთ პარლამენტის თავმჯდომარეს, პარლამენტის თავმჯდომარის  მოადგილეებს“,-განაცხადა რევაზ არველაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს