2016-11-18 09:16:32, 822 ნახვა
პოლიტიკა
პარლამენტის პირველ სხდომას გიორგი მარგველაშვილი გახსნის
მე-9 მოწვევის პარლამენტის პირველ სხდომას საქართველოს პრეზიდენტი გიორგი მარგველაშვილი გახსნის, ხოლო შემდგომ „ქართული ოცნების“ სიით არჩეული, უხუცესი წევრი რევაზ არველაძე გაუძღვება.
ეს რეგლამენტით გათვალისწინებული ნორმაა.
ამასთან, ცენტრალური საარჩევნო კომისიის თავმჯდომარე ვალდებულია პარლამენტის პირველ სხდომას დაესწროს.
პირველ სხდომაზე ასევე შეიძლება მიწვეულ იყვნენ საქართველოს კათალიკოს-პატრიარქი, ქვეყნის სხვა რელიგიურ კონფესიათა უმაღლესი სასულიერო პირები, საკონსტიტუციო და უზენაესი სასამართლოების თავმჯდომარეები, საზოგადოების სხვა წარმომადგენლები.
შეგახსენებთ, რომ მეცხრე მოწვევის პარლამენტის სხდომა დღეს 12:00 საათზე გაიმართება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
