2016-11-16 20:09:31, 966 ნახვა
საზოგადოება
ავსტრიის რადიო „Österreich 1“-ის ეთერში საქართველოს შესახებ გადაცემათა ციკლი დაიწყო
ავსტრიაში საქართველოს საელჩოს ხელშეწყობით ავსტრიის საზოგადოებრივი მაუწყებლის (ORF) რადიო არხი - „Österreich 1" 12 ნოემბრიდან მსმენელს საქართველოს შესახებ გადაცემათა ციკლს „საქართველო - მეზობლად" სთავაზობს.
რადიო-პროექტი, რომელიც 55 გადაცემას მოიცავს, ერთი კვირის განმავლობაში გადაიცემა რადიოს პირდაპირ ეთერში. 12 ნოემბრიდან 19 ნოემბრამდე ყოველი დღის საეთერო ბადეში საქართველოს ხუთიდან თერთმეტამდე გადაცემა ეძღვნება, ისინი თემატურად არის გადანაწილებული შემდეგ რუბრიკებში: საზოგადოება, მუსიკა, რელიგია, კულტურა და მეცნიერება.
რადიო გადაცემათა ციკლი სახელწოდებით: „საქართველო - მეზობლად" (Nebenan: Georgien) საქართველოში ვიზიტის საფუძველზეა მომზადებული.
გადაცემების მოსმენა შესაძლებელია რადიოს ინტერნეტ მისამართზე: http://oe1.orf.at/themen/more/nebenan/programm_past
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
