ევროპულ და ევროატლანტიკურ სტრუქტურებში ინტეგრაციის საკითხებში სახელწმიფო მინისტრის დავით ბაქრაძის განცხადებით,  ვიზალიბერალიზაციასთან დაკავშირებით, საქართველომ თავისი გასაკეთებელი გააკეთა და ახლა შეჩერების მექანიზმის თაობაზე, ევროკავშირშია პოზიციები შესაჯერებელი.

ბაქრაძის განმარტებით, ეს საქართველოს არ უკავშირდება, არამედ ზოგადად ევროკავშირის პოლიტიკიდან გამომდინარეობს. ბაქრაძე იმედს გამოთქვამს, რომ ევროკავშირში პოზიციები მალე შეჯერდება და საქართველოს ვიზალიბერალიზაციის საკითხზე ბოლო კენჭისყრა გაიმართება:

„ როგორც უმაღლესმა კომისარმა მოგერინიმ განაცხადა, როგორც ეს აღნიშნა კომისარმა ჰანმა და ყველა მაღალჩინოსანმა,  ამ თვალსაზრისით საჭირო საკითხი  დასრულებული აქვს საქართველოს. დარჩენილია მხოლოდ ბოლო კენჭისყრა, რომელიც გაიმართება მაშინვე, როგორც კი შეჯერდება პოზიცია ევროკავშირის შიგნით შეჩერების მექანიზმთან დაკავშირებით, რაც საქართველოს არ უკავშირდება, უკავშირდება ზოგადად ევროკავშირის პოლიტიკას. ამიტომ ჩვენ უნდა დაველოდოთ, იმედი გამოვთქვათ... ჩანს პროგრესის ნიშნები და მალე მოხდება შეჯერება, რაც ნიშნავს დაუყოვნებლივ კენჭისყრას საქართველოსთვის ვიზალიბერალიზაციაზე. ამ კუთხით ჩვენ მხოლოდ მოლოდინის რეჟიმში უნდა ვიყოთ“,-განაცხადა დავით ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს