იმ შემთხვევაში, თუ მე-9 მოწვევის პარლამენტი და მთავრობა ახალ წლამდე არსებული ნარკოპოლიტიკის ცვლილებას არ განახორციელებს, "გირჩის" წევრები 31 დეკემბერს, 23:59 საათზე, პარტიის ოფისში, საჯაროდ, პირდაპირ ეთერში, სხვა სრულწლოვან მოხალისეებთან ერთად მარიხუანას საჯაროდ დათესავენ, - ამის შესახებ "გირჩის" ლიდერმა ზურაბ ჯაფარიძემ დღეს გამართულ პრესკონფერენციაზე განაცხადა.

როგორც ძაფარიძემ აღნიშნა, ახალ პარლამენტს ექნება საკმარისზე მეტი დრო იმისათვის რომ შესაბამისი საკანონმდებლო ცვლილებები განახორციელოს.

მისივე თქმით, ამისთვის მხოლოდ პოლიტიკური ნებაა საჭირო, ნარკოპოლიტიკის ლიბერალიზაციას კი ყველა საპარლამენტო პარტია ამომრჩეველს წინასაარჩევნოდ პირდებოდა. 

"ჩვენ ზუსტად გვესმის, რომ ამ ქმედებით ვარღვევთ სისხლის სამართლის კოდექსის 265-ე მუხლს, რაც ითვალისწინებს თავისუფლების აღკვეთას 6-დან 12 წლამდე. ჩვენ არ ვართ გიჟები, გვყავს ოჯახები, გვაქვს უამრავი მნიშვნელოვანი საქმე და არ გვსურს ცხოვრების რამდენიმე წლის პატიმრობაში გატარება. გირჩისთვის ეს არის პოლიტიკური აქტი, თავისუფლებისთვის პოლიტიკური ბრძოლის კონკრეტული გზა. მარიხუანა ამ შემთხვევაში მხოლოდ სიმბოლური ხასიათის მატარებელია. აკრძალული რომ იყოს ალკოჰოლი - დავრგავდით ვაზს. აკრძალული რომ იყოს ნიკოტინი - დავრგავდით თამბაქოს ბუჩქს.
გვესმის რომ მივდივართ რისკზე, მაგრამ ამავე დროს დარწმუნებული ვართ რომ ამ ბრძოლას აუცილებლად მოვიგებთ. თუ გავიმარჯვებთ ახლა, მაშინ გარდაუვლად გავიმარჯვებთ მეტი თავისუფლებისთვის ყველა შემდგომ ბრძოლაშიც. ჩვენი მოთხოვნა მდგომარეობს შემდეგში: მოხდეს მარიხუანის და მისი შემცველი პროდუქტების მოხმარების ლეგალიზაცია; ქვეყანაში მოხდეს საკუთარი მოხმარების მიზნით, მარიხუანის კულტივირების და შენახვის ლეგალიზაცია", - ნათქვამია "გირჩის" მიმართვაში. 

"გირჩია" ლიდერის თქმით, ცენტრი არსებობს მეტი თავისუფლების მოპოვების მიზნით. 

"ჩვენ ყველა თემას ვუკავშირებთ ადამიანის თავისუფლებას. თავისუფლება კი იწყება საკუთარი თავის, საკუთარი სხეულის განკარგვის სრული თავისუფლებიდან. ჩვენი აზრით ეს არის ადამიანის ნებისმიერი სხვა უფლების ფუნდამენტი და მის გარეშე შეუძლებელია თავისუფალი საზოგადოების არსებობა. ჩვენ და არაერთი საზოგადოებრივი ჯგუფი წლებია ტრადიციული მეთოდებით ვცდილობთ ამ ქვეყანაში დრაკონული ნარკოპოლიტიკის ცვლილებას. ჩვენი შეთავაზება წინა მოწვევის პარლამენტისთვის, გადაედგა თუნდაც უმნიშვნელო ნაბიჯი სწორი მიმართულებით, მიუღებელი აღმოჩნდა. წლების განმავლობაში ასობით ათას მოქალაქეს, მათი ოჯახის წევრებს, სახელმწიფომ გაუმწარა, დაუნგრია ცხოვრება, მხოლოდ ბოლო წლის განმავლობაში ორი მოქალაქე გამოასალმა სიცოცხლეს. სახელმწიფო მანიპულირებს საზოგადოებრივი აზრით, შემდეგ ექცევიან მის ტყვეობაში და ბრმად რეაგირებენ მასზე. ამიტომ ჩვენთვის მნიშვნელოვანია საზოგადოება დავაფიქროთ რატომ არის მნიშვნელოვანი ადამიანის თავისუფლება - მოეპყროს თავს საკუთარი ნების შესაბამისად, რა კატასტროფული შედეგები მოაქვს სახელმწიფო ძალადობას და რა სიკეთის მოტანა შეუძლია მეტ თავისუფლებას როგორც კონკრეტულად ამ საქმეში ისე ზოგადად", - განაცხადა ჯაფარიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი - როდესაც ომი დასრულდება, უკრაინა ცოტა განსხვავებულ ფორმას მიიღებს

კობახიძე - საქართველო სოლიდარობას უცხადებს პოლონეთსა და პოლონელ ხალხს

რუბიო იმედოვნებს, რომ აბუ-დაბიში უკრაინის ომთან დაკავშირებულ მოლაპარაკებებში პროგრესი იქნება

Reuters: ვენსი ტრამპის არაპოპულარული გადაწყვეტილებებისგან დისტანციას იჭერს და რესპუბლიკელთა ლიდერობისთვის ბრძოლისთვის ემზადება