"ნაციონალური მოძრაობა" ხმების დასაცავად არ ემზადებოდა, პარტიას საერთაშორისო საზოგადოებასთან სათანადოდ არ უმუშავია, - ამის შესახებ მიხეილ სააკაშვილმა გადაცემა "არჩევანში" განაცხადა.

როგორც საქართველოს ყოფილმა პრეზიდენტმა აღნიშნა, ენმ 2016 წლის საპარლამენტო არჩევნებზე ხმების დასაცავად არ ემზადებოდა და სწორედ ამიტომ ვერ მოხდა არჩევნებზე არსებული დარღვევების გამოვლენა და დაფიქსირება. ის ამბობს, რომ პარტიას საერთაშორისო საზოგადოებასთან სათანადოდ არ უმუშავია.

სააკაშვილმა აქვე, 2003 წლის რევოლუციის პერიოდი გაიხსნა და აღნიშნა, რომ მაშინ "ნაციონალურმა მოძრაობამ" და მათმა წარმომადგენლებმა ყველა დარღვევა გამოავლინეს, დააფიქსირეს, მიაწოდეს საერთაშორისო საზოგადოებას და არ დაიხიეს უკან. მისივე თქმით, ამერიკის ელჩი შედეგების გამოცხადების შემდეგ მას მოუწოდებდა, რომ შედეგები ეღიარებინა. 

"ახლა ამბობენ, ყველა ამერიკელები გვეუბნებიან, არჩევნები აღიარეთო და რა, ჩვენ არ გვეუბნებოდნენ? რიჩარდ მაილსმა ჯორბენაძესთან რამდენიმე შეხვედრა მომიწყო და თქვეს, რომ არ გვინდა არეულობაო. ჯერ ხო ასე იყო შედეგები, - პირველზე შევარდნაძე, მეორე იყო აბაშიძე და მერე ჩვენ. მერე ამბობდნენ, რომ მეორეზე გადაგიყვანთ, არ გვინდა არეულობაო. მე მაშინ დავურეკე თეთრ სახლში ჩემს მეგობრებს და ვკითხე, რას აკეთებს თქვენი ელჩი მეთქი. მიხვდნენ მერე, რომ ჩვენ უკან არ დავიხევდით. ჩვენ მივაწოდეთ მათ ყველა დარღვევის შესახებ დეტალური ინფორმაცია, ვიმუშავეთ მათთან კარგად და მივიღეთ შედეგი. ვინ გითხრათ, რომ უცხოელები იბრძვიან შენი უფლებებისთვის, თუ შენ არ იბრძვი მაშინ, როცა იქ სირიაა, მიგრანტებია, ფინანსური კრიზისია. როგორც დავფიქსირდით მსოფლიო რუკაზე, ისევე გავქრებით," - აღნიშნა სააკაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს