რუსეთის საგარეო საქმეთა სამინისტრო ნატო-საქართველოს წვრთნებთან დაკავშირებით განცხადებას ავრცელებს.

როგორც უწყების განცხადებაშია აღნიშნული,  ნატო- საქართველოს ერთობლივი წვრთნა რეგიონში მშვიდობისა და სტაბილურობისთვის სერიოზულ საფრთხეს წარმოადგენს.

“ყურადღებას ვაქცევთ ნატო-საქართველოს მორიგ სამხედრო მანევრებს, რომლებშიც 13 ქვეყნის 250-ზე მეტი სამხედრო მონაწილეობს. მიმდინარე წლის განმავლობაში ეს საქართველოს ტერიტორიაზე ჩატარებული უკვე მესამე მრავალეროვნული სწავლებაა, მაისში ჩატარებული Noble Partner-ისა და სექტემბერში ჩატარებული Agile Spirit-ის შემდეგ. მიმდინარეობს საქართველოს შეიარაღებული ძალების ნატო-ს სტანდარტების შესაბამისად ოპერატიული მომზადების მასშტაბებისა და ინტენსიურობის გეგმაზომიერი გაზრდა ალიანსის სამეთაურო-საშტაბო სტრუქტურების აქტიური ჩართულობით.

რუსეთი მსგავს აქტივობაში რეგიონში სტაბილურობისა და მშვიდობისთვის სერიოზულ საფრთხეს ხედავს. თავისი შეშფოთება არაერთხელ გამოთქვეს საქართველოს მეზობლებმა - აფხაზეთმა და სამხრეთ ოსეთმა. ჩვენ ყველას გვახსოვს, როგორ უბიძგა ნატო-ში წევრობის დაპირებებმა, რომლებიც ბუქარესტის სამიტზე გაისმა, თბილისს 2008 წლის აგვისტოში რუს მშვიდობისმყოფელებსა და ცხინვალის მშვიდობიან მოქალაქეებზე დანაშაულებრივი თავდასხმისკენ.

ნატო არ მალავს, რომ სამხედრო პარტნიორობა თბილისთან განიხილება როგორც რუსეთის შეკავების პოლიტიკის ნაწილი. როლი, რომელსაც საქართველო ასრულებს ამ კონტექსტში, ართულებს რუსულ-ქართული ურთიერთობების გაჯანსაღების პროცესს”, - ნათქვამია საგარეო უწყების განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს