პარლამენტის თავმჯდომარე დავით უსუფაშვილი ამერიკის შეერთებული შტატების პრეზიდენტად დონალდ ტრამპის არჩევის საკითხს გამოეხმაურა,

როგორც უსუფაშვილმა ჟურნალისტებს განუცხადა, არ ფიქრობს, რომ ახალი პრეზიდენტის პირობებში ქართულ-ამერიკულ ურთიერთობებში, რაიმე პრობლემა გაჩნდება.

უსუფაშვილი გარკვეულ გამოწვევებს უფრო საერთაშორისო უსაფრთხოებისა და პოლიტიკის სისტემაში ელის.

„ამერიკის შეერთებულ შტატებში მნიშვნელოვანი პოლიტიკური პროცესი დასრულდა. დასრულდა ისე, როგორც შესაძლოა, ძალიან ბერი არ ელოდა. არც ამერიკის შეერთებულ შტატებში და არც მის ფარგლებს გარეთ. მაგრამ ესაა რეალობა, ესაა მათი არჩევანი. არც ამერიკელები არიან ხოლმე ყოველთვის აღფრთოვანებული იმით, რა არჩევანსაც ვაკეთებთ ჩვენ, ქართველები, მაგრამ ისინი აგრძელებენ სტრატეგიულ მეგობრობას. არ მგონია, რომ ახალი პრეზიდენტის პირობებში ქართულ-ამერიკულ ურთიერთობებში, უშუალოდ ორმხრივ ურთიერთობებში რაიმე პრობლემა გაჩნდება. გარკვეულ გამოწვევებს ველი საერთაშორისო უსაფრთოხებისა და პოლიტიკის სისტემაში, სადაც დღემდე შეინიშნებოდა, ინიციატივების დეფიციტი. ამან ბევრ წერტილში ვითარება დაძაბა. ამ თვალსაზრისით იქნება გამოწვევები და ის საქართველოსთვის მნიშვნელოვანია. ყურადღებით უნდა ვიყოთ და გავაუმჯობესოთ, გავაორმაგოთ პარტნიორებთან მუშაობა, რათა გაურკვევლობის პერიოდში, როცა შესაძლებელია სხვადასხვა პოლიტიკურ ძალებს, ქვეყნებს, გაუჩნდეთ განცდა გარკვეული ვაკუუმის, ან გარკვეული შესაძლებლობის, რომ ახლა არის დრო  ნაბიჯები გადაიდგას მათი არალეგიტიმური ინტერესების დასაკმაყოფილებლად. გვმართებს სიფხიზლე. დიპლომატიური და ყველა სხვა არხებით ქვეყნის ინტერესებია დასაცავი“, - განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს