მთავრობის ადმინისტრაციაში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე ევროპასა და აღმოსავლეთ პარტნიორობის ქვეყნებში ნიდერლანდების სამეფოს  სპეციალურ წარმომადგენელს, ელჩს ანდრიან პალმისა და საქართველოში ნიდერლანდების სამეფოს საგანგებო და სრულუფლებიან ელჩს იოჰან დუმას შეხვდა.

სახელმწიფო მინისტრის აპარატის ინფორმაციით, ევროპასა და აღმოსავლეთ პარტნიორობის ქეყნებში სპეციალურმა წარმომადგენლმა დავით ბაქრაძეს საქართველოში საპარლამენტო არჩევნების წარმატებით ჩატარება მიულოცა, რაც დასტურდება საერთაშორისო ორგანიზაციების მიერ გაკეთებული შეფასებებით. თავის მხრივ სახელმწიფო მინისტრმა დავით ბაქრაძემ მადლობა გადაუხადა ჰოლანდიის მთავრობას ევროინტეგრაციის მიმართულებით საქართველოსთვის გაწეული მნიშვნელოვანი მხარდაჭერისთვის.

ჰოლანდიურ მხარესთან შეხვედრაზე დავით ბაქრაძემ საქართველო-ევროკავშირს შორის ასოცირების შესახებ შეთანხმების ფარგლებში განხორციელებულ რეფორმებზე, ამ მიმართულებით მიღწეულ პროგრესსა და ევროინტეგრაციის პროცესში სამოქალაქო საზოგადოებისა და სხვა დაინტერესებული მხარეების ჩართულობის მნიშვნელობაზე ისაუბრა. სპეციალურმა წარმოადგენელმა თავის მხრივ აღნიშნა, რომ საქართველოს მთავრობამ განახორციელა მნიშვნელოვანი სამუშაოები ევროინტეგრაციის მიმართულებით, პროგრესი თვალშისაცემია და  საქართველო უპირობო   ლიდერია აღმოსავლეთ ევროპის რეგიონში. ასევე, დადებითათ შეაფასა საქართველოს მთავრობასა და სამოქალაქო სექტორს შორის არსებული თანამშრომლობა ასოცირების შეთანხმების განხორციელების პროცესში.

მხარეებმა, ასევე, აღმოსავლეთ პარტნიორობის ინიციატივის ფარგლებში მრავალმხრივი თანამშრომლობის შემდგომი განვითარების პერსპექტივები და შესაძლებლობები განიხილეს.   ყურადღება გამახვილდა ევროინტეგრაციის პროცესში მოქალაქეებთან სტრატეგიული კომუნიკაციის აუცილებლობაზე, ასევე, ხალხთა შორის კონტაქტების გაღრმავების მნიშვნელობაზე.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს