იტალია საქართველოს მეგობარი ქვეყანაა და ის მხარს უჭერს საქართველოს ტერიტორიულ მთლიანობას, - ამის შესახებ იტალიის საგარეო საქმეთა მინისტრმა პაოლო ჯენტილონიმ განაცხადა.

როგორც მინისტრმა აღნიშნა, საქართველოში ვიზიტით ორი ქვეყანას შორის ურთიერთობები კიდევ უფრო გაღრმავდება.

„იტალია საქართველოს მეგობარი ქვეყანაა და ის მხარს უჭერს საქართველოს ტერიტორიულ მთლიანობას. ჩვენ მხარს ვუჭერთ თქვენს თითოეულ ნაბიჯს ნატო-სა და ევროკავშირისკენ. ვგეგმავთ ინვესტიციების გაზრდას საქართველოში და ამისთვის ორივე მხარის ძალისხმევა არის გასაზრდელი. ჩვენ შეგვიძლია იტალიაში ჩავატაროთ ბიზნესფორუმი, სადაც საქართველოს ბიზნესწრეები მიიღებენ მონაწილეობას და მოუთმენლად ველი პრემიერის ვიზიტს იანვარში”, - განაცხადა იტალიის საგარეო საქმეთა მინისტრმა.

ცნობისთვის, იტალიის საგარეო საქმეთა მინისტრის საქართველოში ვიზიტისას ხელი ორ დოკუმენტს: „იტალიის რესპუბლიკის საგარეო საქმეთა და საერთაშორისო თანამშრომლობის სამინისტროსა და საქართველოს განათლებისა და მეცნიერების სამინისტროს შორის ზოგადი განათლების სფეროში თანამშრომლობის შესახებ შეთანხმების მემორანდუმი“ და „იტალიის რესპუბლიკის მთავრობასა და საქართველოს მთავრობას შორის სამეცნიერო-კულტურული თანამშრომლობის თაობაზე მოეწერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს