საქართველოს სწორედ დიპლომატიურ ველზე სჭირდება განსაკუთრებული მოქნილობა, განსაკუთრებული სიბრძნე და განსაკუთრებული პრინციპულობა, - ამის შესახებ პარლამენტის თავმჯდომარე დავით უსუფაშვილმა დიპლომატის დღისადმი მიძღვნილ საზეიმო მიღებაზე ჟურნალისტებს განუცხადა. 

პარლამენტის თავმჯდომარის თქმით, დღევანდელი მდგომარეობით საქართველოს ძალიან კვალიფიციური, კარგად მომზადებული დიპლომატიური კორპუსი ჰყავს, რომელიც საქართველოს ინტერესებს მთელს მსოფლიოში იცავს. 

”უახლოესი წლები იქნება კიდევ უფრო მეტი გამოწვევების შემცველი, რადგან ბევრი თემა, რომელიც ქვეყანას აწუხებს სწორედ დიპლომატიური გზითაა მოსაგვარებელი და მე ვუსურვებ ყველა ჩვენს წარმომადგენელს, მსოფლიოს ყველა ქვეყანაში, სათანადოდ წარმოადგინონ ჩვენი ლამაზი, დიდი და კარგი სამშობლო და რაც შეიძლება მეტს მივაღწიოთ საერთაშორისო ურთიერთობებიდან”, - განაცხადა უსუფაშვილმა. 

ცნობისთვის, ქართული დიპლომატიის დღესთან დაკავშირებით თბილისის საკრებულოში სადღესასწაულო ღონისძიება იმართება. მიღებას აღმასრულებელი საკანონმდებლო ხელისუფულების, საქართველოში აკრედიტირებული დიპლომატიური კორპუსის ხელმძღვანელები და მოწვეული სტუმრები იმყოფებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს