გენერალური აუდიტორის პირველ მოადგილედ ნინო ლომჯარია დაინიშნა.

იგი აღნიშნულ თანამდებობაზე გენერალურმა აუდიტორმა ლაშა თორდიამ დღეს წარადგინა.

მისი თქმით, ნინო ლომჯარია მნიშვნელოვან როლს ასრულებდა საქართველოში გამჭვირვალე სისტემების ფორმირებაში და მისი კომპეტენცია ამ სამსახურს საკუთარი მიზნების განხორციელებაში დაეხმარება.

„ნინო ლომჯარიას სახით, სახელმწიფო აუდიტის სამსახურმა შეიძინა პროფესიონალი კოლეგა. ის წაადგება იმ საქმიანობის უფრო ეფექტურად განხორციელებას, რომელსაც აქ მომუშავე გუნდი ასრულებს“, - აღნიშნა თორდიამ და დასძინა, რომ პირველი მოადგილის კანდიდატურა ვაკანტური იყო.

რაც შეეხება სფეროებს, რომელსაც ნინო ლომჯარია ჩაიბარეს, თორდია ამბობს,  რომ ჯერჯერობით დაზუსტებული არ არის, თუმცა ფიქრობს, რომ პოლიტიკური პარტიების დეპარტამენტი ნინო ლომჯარიას საკურაციო სფეროში იქნება.

„ზუსტად არ ვიცი, დეტალურად გავივლით. ძალიან ბევრი ტექნიკური საფეხურები უნდა გავიაროთ. საკურაციო სფეროები გადანაწილდება და შემდეგ გახდება ცნობილი“, - აღნიშნა ლაშა თორდიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი - როდესაც ომი დასრულდება, უკრაინა ცოტა განსხვავებულ ფორმას მიიღებს

კობახიძე - საქართველო სოლიდარობას უცხადებს პოლონეთსა და პოლონელ ხალხს

რუბიო იმედოვნებს, რომ აბუ-დაბიში უკრაინის ომთან დაკავშირებულ მოლაპარაკებებში პროგრესი იქნება

Reuters: ვენსი ტრამპის არაპოპულარული გადაწყვეტილებებისგან დისტანციას იჭერს და რესპუბლიკელთა ლიდერობისთვის ბრძოლისთვის ემზადება