რუსეთი საქართველოსთან უვიზო რეჟიმის დაწესებას არ გამორიცხავს, თუმცა მიიჩნევს, რომ ამ საკითხში მოსკოვმა საქართველოსა და ევროკავშირს შორის ვიზალიბერალიზაციის პროცესი უნდა გაითვალისწინოს, - ამის შესახებ რუსეთის საგარეო საქმეთა მინისტრის მოადგილემ გრიგორი კარასინმა “რია ნოვოსტისთან” ინტერვიუში განაცხადა.

როგორც კარასინმა აღნიშნა, მოსკოვმა დაახლოებით ერთი წლის წინ საქართველოს მოქალაქეებისთვის რუსეთის ვიზების მიღების პირობები რადიკალურად გაამარტივა.

“პრინციპში, არ გამოვრიცხავ საქართველოსთან უვიზო რეჟიმის შესაძლებლობას. რა თქმა უნდა, ამ საკითხისადმი მიდგომისას საჭიროა ევროკავშირსა და საქართველოს შორის შესაბამისი პროცესების გათვალისწინება. როგორც ცნობილია, საქართველომ ჯერ კიდევ 2006 წელს ცალმხრივად გააუქმა სავიზო რეჟიმი ევროკავშირის მოქალაქეებისთვის. ამის შემდეგ, რაც 2012 წელს ბრიუსელი დათანხმდა ვიზალიბერალიზაციის მოლაპარაკებების დაწყებას, შემუშავდა დეტალური სამოქმედო გეგმა, რომლის შესრულების შესახებაც თბილისი რეგულარულ ანგარიშს აბარებდა რამდენიმე წლის განმავლობაში. ანუ, საუბარია დიდ და შრომატევად სამუშაოზე, რომელიც სავარაუდო მოიცავდა მჭიდრო სახელმწიფოთაშორის თანამშრომლობას საგარეო და მავალი სხვა უწყების ხაზით. უნებლიედ ჩნდება კითხვა, რამდენად რეალურია ასეთი სამუშაოს შესრულება რუსეთსა და საქართველოს შორის დიპლომატიური ურთიერთობების არარსებობის ახალანდელ ვითარებაში", - განაცხადა კარასინმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს