საქართველოს პარლამენტის თავმჯდომარე დავით უსუფაშვილი  „ქართული ოცნების“ დეპუტატებს შეხვდა.

შეხვედრა უსუფაშვილის კაბინეთში დახურულ რეჟიმში  გაიმართა.

საპროცედურო საკითხთა კომიტეტის თავმჯდომარის, გიორგი კახიანის განცხადებით, უსუფაშვილთან  შეხვედრის მთავარი თემა პარლამენტის სხდომის დაგეგმვა და პარლამენტის ფორმირების პროცესი იყო.

„პირველი სხდომის მოწვევის უფლებამოსილება საქართველოს პრეზიდენტის პრეროგატივაა.  მანამდე საკითხთან დაკავშირებით პოლიტიკური კონსულტაციებიც უნდა გაიმართოს. პარლამენტი ელოდება ცესკო-ს საბოლოო შედეგებს, რომელიც არჩევნებიდან მაქსიმუმ 20 დღეში უნდა გამოქვეყნდეს. ცესკო-ს ვადა 18 ნოემბერს ეწურება. თუ ცესკო ვადას ბოლომდე გამოიყენებს, პარლამენტის პირველი სხდომა 19 ნოემბერს გაიმართება. პირველ სხდომაზე მოხდება პარლამენტის თავმჯდომარის არჩევა. საპარლამენტო ფრაქციების ფორმირება და კომიტეტების თავმჯდომარეების არჩევა“, - განაცხადა კახიანმა.

შეხვედრას პარლამენტის პირველი ვიცე- სპიკერი მანანა კობახიძე, საპროცედურო საკითხთან კომიტეტის თავმჯდომარე გიორგი კახიანი და ფრაქცია „ქართული ოცნების“ თავმჯდომარე გია ვოლსკი ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს