"ქართული ოცნების" აღმასრულებელი მდივანი, ირაკლი კობახიძე გამორიცხავს, რომ საქართველოს პრეზიდენტს, გიორგი მარგველაშვილს უფლებამოსილება ვადაზე ადრე შეუწყდეს.

როგორც კობახიძემ აღნიშნა, ასეთი ფაქტი კონსტიტუციური სამართლის პრინციპების უხეში დარღვევაა.

"საკონსტიტუციო ცვლილებებთან დაკავშირებით ჩვენ წინასწარ მიღებული არცერთი გადაწყვეტილება არ გვაქვს. ყველაფერთან დაკავშირებით გადაწყვეტილება უნდა იყოს მიღებული ფართო განხილვების საფუძველზე, ფართო კონსულტაციების და ფართო კონსესუსის საფუძველზე, რაც შეეხება ასეთ თემას, ეს არის ნამდვილად სპეკულაციები, არ ვიცი რომელი იურისტები საუბრობენ ამაზე.

რაც შეეხება პრეზიდენტის უფლებამოსილებებს და მისი უფლებამოსილების ვადას, ამას ვერავინ ვერ შეეხება იქამდე, ვიდრე პრეზიდენტის უფლებამოსილების კონსტიტუციით დადგენილი არსებული ვადა არ დასრულდება. ეს არის გამორიცხული. პრეზიდენტის, პარლამენტის და სხვა ოგანოების უფლებამოსილების ვადამდე შეწყვეტა თუნდაც საკონსტიტუციო ცვლილებით, არის კონსტიტუციური სამართლის პრინციპების უხეში დარღვევა. ეს არის შესაბამისად, სპეკულაციები და არ ვიცი რომელი კონსტიტუციონალისტები ბრჭყალებში თუ ბრჭყალებს გარეთ საუბრობენ ამაზე",- განაცხადა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს