პრეზიდენტი ამ ეტაპზე არანაირი პოლიტიკური პარტიის შექმნას არ აპირებს, - ამის შესახებ პრეზიდენტის სპიკერმა ეკა მიშველაძემ „ექსპრესნიუსის“ კითხვაზე საპასუხოდ განაცხადა, რომლის მიხედვითაც, „ვრცელდება ინფორმაცია, რომ პრეზიდენტის საფარქვეშ შესაძლოა ჩამოყალიბდეს ახალი პროდასავლური პარტია და მისი წევრები შესაძლებელია „რესპუბლიკური პარტიის“ ყოფილი ლიდერები იყვნენ.

მიშველაძის განმარტებით, პრეზიდენტი ყველა პოლიტიკურ ლიდერთან დიალოგისთვის მზადაა, თუმცა თავის უფლებამოსილებას, როგორც უპარტიო ისე შეასრულებს.

„პრეზიდენტი მზადაა ყველა პოლიტიკურ ძალასთან და პოლიტიკურ ლიდერთან დიალოგისთვის და საუბრისთვის. თუმცა ამ ეტაპზე არანაირი პოლიტიკური პარტიის შექმნა პრეზიდენტის საფარქვეშ არ განიხილება, პრეზიდენტი ასრულებს თავის უფლებამოსილებას, როგორც უპარტიო.ეს ქვეყნის განვითარებისთვის და ზოგადად დემოკრატიულობისთვის კიდევ უფრო სასარგებლოა. ასევე ვაპირებთ ამ ეტაპისთვის გაგრძელებას“,-აღნიშნა მიშველაძემ.

მისივე თქმით, გიორგი მარგველაშვილი  ინდივიდუალურ გადაწყვეტილებებთან დაკავშირებით კომენტარს არ აკეთებს, თუმცა ამბობს, რომ  თანამედროვე დემოკრატია ძლიერი პოლიტიკური პარტიების გარეშე ვერ შედგება.

"ძლიერი პოლიტიკური პარტიების არსებობა ეს არის საზოგადოების მდგრადობისათვის აუცილებელი.  ეს უნდა იყოს და სავარაუდოდ, არის კიდევაც სახელმწიფო ინტერესებში.ცუდია ის, რაც ხდება დღევანდელ პოლიტიკურ რეალობაში",-აღნიშნა ეკა მიშველაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს