2016-11-01 12:46:34, 903 ნახვა
პოლიტიკა
ვახტანგ ხმალაძემ „რესპუბლიკური პარტია“ დატოვა
პარლამენტის იურიდიულ საკითხთა კომიტეტის თავმჯდომარე ვახტანგ ხმალაძემ „რესპუბლიკური პარტია“ დატოვა, - ამის შესახებ „ექსპრესნიუსს“ ხმალაძემ განუცხადა.
მისი თქმით, პარტიიდან წასვლის მიზეზი აზრთა სხვადასხვაობა გახდა.
„გიდასტურებთ, რომ დავტოვე პარტია. როგორც ჩვეულებრივ ხდება ხოლმე, პარტიის დატოვების მიზეზი აზრთა სხვადასხვაობაა რიგ საკითხებზე. შეუთავსებელი ხდება საქმიანობის ერთად გაგრძელება. რაც შეეხება, მომავალ საქმიანობას, მხოლოდ წმინდა პროფესიული საქმიანობით შემოვიფარგლები ჯერჯერობით. არავისთან არანაირი კონსულტაცია არ მქონია“,-განაცხადა ხმალაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
