გორის რაიონის სოფელ სობისში მომხდარი ინციდენტი არასამთავრობო ორგანიზაციებმა შეაფასეს.

როგორც ახალგაზრდა იურისტთა ასოციაციაში აცხადებენ, „ნაციონალური მოძრაობის“ მხარდამჭერმა ალბერტ მერებაშვილმა  საარჩევნო უბანზე საიას დამკვირვებელს შეურაცხყოფა მიაყენა.

„მერაბაშვილმა გააკრიტიკა ჩვენი წარმომადგენელი, ჩვენს მიერ დაწერილი საჩივრის გამო, რომელიც ეხებოდა წილისყრის პროცედურაში, თვითნებურად მონაწილეობის არ მიღებას. როგორც დილით განვმარტეთ ეს არ არის კანონთან შესაბამისი. შემდეგ ეს პიროვნება დაემუქრა ჩვენს წარმომადგენელს, უთხრა, რომ ის არის კუდ-ის ყოფილი წარმომადგენელი და ურჩია, რომ მასთან ურთიერთობაში არაფერი შეეშალოს“, - განაცხადა ახალგაზრდა იურისტთა ასოციაციის თავმჯდომარემ ანა ნაცვლიშვილმა.

ცნობისთვის, „ერთიანი ნაციონალური მოძრაობის“ ინფორმაციით, სოფელ სობისში  მათ მხარდამჭერს ფიზიკური შეურაცხყოფა მიაყენეს.

როგორც „ექსპრესნიუსს“ პარტიის პრესსამსახურიდან აცნობეს, „ნაციონალური მოძრაობის“ მხარდამჭერი ალბერტ მერებაშვილი გორის საკრებულოს წევრმა, კობა ბერიანიძემ სცემა.

აღნიშნულს „ქართული ოცნების“ აღმასრულებელი მდივანი გამოეხმაურა და აღნიშნა, რომ სოფელ სობისში, #45-ე საარჩევნო უბანთან მოხდა ინციდენტი. „ნაციონალური მოძრაობის“ კანდიდატის ბადრი ბასიშვილის, ერთ-ერთი აქტივისტი ალბერტ მერებაშვილი მმართველი გუნდის აქტივისტებს დაუპირისპირდა.

მომხდარზე გამოძიება სსკ-ის 125 მუხლის 1-ლი ნაწილით მიმდინარეობს, რაც ცემას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს