არჩევნების მეორე ტურს საერთაშორისო სადამკვირვებლო მისიები აკვირდებიან. ეუთო-ს, IRI-ის და NDI-ის წარმომადგენლები, თბილისის გარდა, რეგიონებშიც მუშაობენ. კონკრეტულ განცხადებებს მისიები არჩევნების მომდევნო დღეებში გააკეთებენ.

როგორც ეუთო-ს სადამკვირვებლო მისიის ხელმძღვანელმა ალექსანდრ კელთჩევსკიმ განაცხადა, დამკვირვებლები დაელოდებიან დღის ბოლომდე შეჯამებას და ამ ყველაფერთან ერთად დაკავშირებით ხვალ ისაუბრებენ, როდესაც მეორე ტურთან დაკავშირებით ეუთო-ს სადამკვირვებლო მისიის მხრიდან პირველადი ანგარიშის წარდგენა გაიმართება.

„პირველ რიგში მინდა აღვნიშნო, რომ მხოლოდ არჩევნების დღე არ არის გადამწყვეტი.ზოგადად პროცესზე დაკვირვება არის ყველაზე მნიშვნელოვანი. პოლიტიკური პარტიებისთვის უნდა იყოს თავისუფალი კამპანიის ჩატარების საშუალება და რაც მთავარია მედია გარემოც თავისუფალი უნდა იყოს. ამჟამად რასაც ვაკვირდები საარჩევნო პროცესი ნორმალურ გარემოში მიმდინარეობს. რაც მთავარია როგორც პირველი ტურის დროს ისე გადატვირთული არ არის საარჩევნო უბანი, რის გამოც დათვლის პროცესი მაშინ შეფერხებებით მიმდინარეობდა. ვიმედოვნებ, რომ მშვიდი საარჩევნო გარემო შენარჩუნდება მთელი დღის განმავლობაში. მინდა აღვნიშნო ისიც, რომ არჩევნები ქვეყნის განვითარებისთვის შესაბამისად მიმდინარეობს და ის არის ტესტი. ვფიქრობთ, რომ ეს ტესტი იქნება პოზიტიური გამოცდილება საქართველოსთვის“, - განაცხადა კელთჩევსკიმ. 

​ცნობისთვის, საქართველოში საპარლამენტო არჩევნების მეორე ტური მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს