საარჩევნო უბნების გახსნისა და მოწყობის პროცესმა არსებითი ხასიათის დარღვევების გარეშე ჩაიარა, - ამის შესახებ "სამართლიანი არჩევნებისა და დემოკრატიის საერთაშორისო საზოგადოების" განცხადებაშია ნათქვამი.

მათი ანგარიშის თანახმად, საარჩევნო დოკუმენტაციის არასათანადოდ წარმოების 6, დამკვირვებლის უფლებების შეზღუდვის 2, წილისყრის პროცედურის დარღვევის 3 და მარკირების გარეშე ხმის მიცემის 1 შემთხვევა დაფიქსირდა.

„სამართლიანი არჩევნების“ დამკვირვებლების მიერ მოწოდებული ინფორმაციის საფუძველზე, საარჩევნო უბნების გახსნისა და მოწყობის პროცესმა არსებითი ხასიათის დარღვევების გარეშე ჩაიარა. დაფიქსირდა საარჩევნო დოკუმენტაციის არასათანადოდ წარმოების 6, დამკვირვებლის უფლებების შეზღუდვის 2, წილისყრის პროცედურის დარღვევის 3 და მარკირების გარეშე ხმის მიცემის 1 შემთხვევა", - წერია ანგარიშში.

ISFED-ის ანგარიშის თანახმად, პირველი ამომრჩევლის მისაღებად 08:00 საათისთვის მზად არ იყო საარჩევნო უბნების მხოლოდ 0.3%.

"პირველი ამომრჩევლის მისაღებად 08:00 საათისთვის მზად არ იყო საარჩევნო უბნების მხოლოდ 0.3%, მაშინ როდესაც საპარლამენტო არჩევნების პირველ ტურზე საარჩევნო უბნების 4.2% გაიხსნა დაგვიანებით. საარჩევნო უბნების 0.3%-ზე დაირღვა წილისყრის ჩატარების წესი. საარჩევნო უბნების 99.5%-ზე მნიშვნელოვანი დარღვევები არ დაფიქსირებულა", - აღნიშნულია განცხადებაში.

ამ დროისთვის „სამართლიანი არჩევენების“ დამკვირვებლების მიერ დაფიქსირდა შემდეგი სახის დარღვევები:

დამკვირვებლის უფლებების შეზღუდვა

• ქუთაისის #2  სასჯელაღსრულების დაწესებულებაში განთავსებულ #49.59.127 საარჩევნო უბანზე ტექნიკური მიზეზების გამო „სამართლიანი არჩევნების“ დამკვირვებელი ნახევარი საათის დაგვიანებით დაუშვეს.

• #36 მაჟორიტარული ოლქის #18 საარჩეევნო უბანზე (მარნეული) საინფორმაციო სააგენტო ,,ოლ მედიას" წარმომადგენელს დაკვირვების უფლება შეეზღუდა, კერძოდ, საუბნო საარჩევნო კომისიის თავმჯდომარე და მოადგილე დამკვირვებელს საარჩევნო უბანზე ფოტო გადაღების უფლებას არ აძლევდნენ.

საარჩევნო დოკუმენტაციის არასათანადოდ წარმოება

• სადემონსტრაციო ოქმში შესაბამისი მონაცემები არ იყო შეტანილი #60 მაჟორიტარული ოლქის #38 (ლანჩხუთი) და #66 მაჟორიტარული ოლქის (ზუგდიდი) #51 საარჩევნო უბნებზე;

• #69 მაჟორიტარული ოლქის #24 საარჩევნო უბანზე (ბათუმი) საკონტროლო ფურცელი დაფიქსირებული არ არის ამომრჩევლის ხელმოწერა; 

• #24 მაჟორიტარული ოლქის #24 (გურჯაანი) და #69 მაჟორიტარული ოლქის #55 (ბათუმი) საარჩევნო უბნებზე  საკონტროლო ფურცელში არ იყო მითითებული შევსების დრო; 

• #70 მაჟორიტარული ოლქის #58 საარჩევნო უბანზე (ბათუმი) საკონტოროლო ფურცელს აკლია პირველი ამომრჩევლის ხელმოწერა. 

წილისყრის პროცედურის დარღვევა

• #70 მაჟორიტარული ოლქის #58 საარჩევნო უბანზე (ბათუმი) წილისყრის ჩატარების წესი დაირღვა, კერძოდ, საუბნო საარჩევნო კომისიის თავმჯდომარემ რეგისტრატორის ფუნქცია ერთ-ერთ კომისიის წევრს წილისყრის გარეშე მიანიჭა. 

• #23 მაჟორიტარული ოლქის #8 (საგარეჯო) და #49 მაჟორიტარული ოლქის #91 (ქუთაისი) საარჩევნო უბნებზე კომისიის წევრებმა უარი თქვეს გადასატანი ყუთის წამღები კომისიის წევრების გამოსავლენ წილისყრაში მონაწილეობაზე.  

მარკირების შემოწმების გარეშე ხმის მიცემა

• #51 მაჟორიტარული ოლქის #21 საარჩევნო უბანზე (ბაღდათი) ამომრჩეველმა ხმა მისცა მარკირების შემოწმების გარეშე.

ამ დროისთვის „სამართლიანი არჩევნების“ დამკვირვებლების მიერ ჩანაწერთა წიგნში დაფიქსირებულია 10 შენიშვნა, საუბნო საარჩევნო კომისიაში წარდგენილია 9 საჩივარი, ხოლო საოლქო საარჩევნო კომისიაში -  6 საჩივარი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს