ცენტრალურმა საარჩევნო კომისიამ  10:00 საათის მდგომარეობით ამომრჩეველთა აქტივობა გამოაქვეყნა.

როგორც ცესკოს სპიკერმა ანა მიქელაძემ გამართულ ბრიფინგზე განაცხადა, ამ დროისათვის ყველა საარჩევნო უბანზე  ამომრჩეველთა აქტივობამ 4.65% შეადგინა, რაც რაოდენობრივად 115302  ამომრჩეველია.

რაც შეეხება ოლქების მიხედვით აქტივობას,  საარჩევნო ადმინისტრაციის ცნობით, ყველაზე მეტი ამომრჩეველი 37- ე მაჟორიტარული საარჩევნო ოლქის მცხეთის საოლქო- საარჩევნო კომისიის სამოქმედო ტერიტორიაზე დაფიქსირდა, ყველაზე ნაკლები კი- ვაკის, საბურთალოსა და გორის საოლქო-საარჩევნო კომისიების სამოქმედო ტერიტორიებზე.

„ოლქების მიხედვით, ყველაზე მეტი ამომრჩეველი დაფიქსირდა 37- ე მაჟორიტარული საარჩევნო ოლქის მცხეთის საოლქო- საარჩევნო კომისიის სამოქმედო ტერიტორიაზე, სადაც გამოცხადდა ამომრჩეველთა 9%.გარდა ამისა, 44 ე მაჟორიტარულ საარჩევნო ოლქში ამომრჩეველთა  რაოდენობის მიხედვით 6.5% დაფიქსირდა. ეს არის  ახალციხე-ადიგენის საოლქო- საარჩევნო კომისიების სამოქმედო ტერიტრორია. ბაღდათის და ხარაგაულის  საოლქო საარჩევნო კომისიების სამოქმედო ტერიტორიაზე, 51-ე მაჟორიტარულ საარჩევნო ოლქში  ამომრჩეველთა აქტივობის 6.7% დაფიქსირდა.

ასევე მაღალი მაჩვენებლია დაფიქსირებული ლანჩხუთისა და ჩოხატაურის  საოლქო-საარჩევნო კომისიების სამოქმედო ტერიტორიაზე. 60-ე მაჟორიტარულ ოლქში, სადაც ამომრჩეველთა რაოდენობა მისული  ამომრჩევლების 6.6 %-ია. სენაკის საოლქო- საარჩევნო კომისიის სამოქმედო ტერიტორია, მისული ამომრჩევლების რაოდენობა 6.3%-ია.

ყველაზე ნაკლები ამომრჩეველთა რაოდენობა დაფიქსირდა  ვაკისა და გორის საოლქო-საარჩევნო კომისიების სამოქმედო ტერიტორიებზე. მისული ამომრჩევლების რაოდენობამ 3% შეადგინა“,-განაცხადა ანა მიქელაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს