ცესკო საოლქო და საუბნო საარჩევნო კომისიებისგან მიღებული ოქმების საფუძველზე, საპარლამენტო არჩევნების შედეგებს 18 ნოემბრამდე შეაჯამებს.

როგორც ცესკო-ს კანონმდებლობაშია აღნიშნული, კენჭისყრის დღიდან არაუგვიანეს მე-19 დღისა კომისია საქართველოს საპარლამენტო არჩევნების შედეგებს შეაჯამებს და შესაბამის ოქმს შეადგენს. 

პარლამენტის რეგლამენტის თანახმად, მე-9 მოწვევის პარლამენტის პირველი სხდომა ცესკო-ს მიერ არჩევნების საბოლოო შედეგების გამოქვეყნების შემდეგ, მეორე ტურის კენჭისყრის დღიდან მე-20 დღემდე უნდა გაიმართოს, რაც ნიშნავს, რომ ახალარჩეული პარლამენტი პირველ სხდომას 19 ნოემბერს გამართავს.

ცნობისთვის, პირველი სხდომის დღეს საქართველოს პრეზიდენტი ნიშნავს.

აღსანიშნავია, რომ პირველ სხდომაზე ახალარჩეული პარლამენტი თავმჯდომარეს და ვიცე-სპიკერს ირჩევს. გარდა ამისა, პარლამენტი კომიტეტებს აკომპლექტებს და მათ თავმჯდომარეებს ირჩევს.

ამის შემდეგ, მოქმედი პრემიერ მინისტრი და მინისტრთა კაბინეტი დროებით მოვალეობის შემსრულებლები ხდებიან. ახალარჩეული პალრამენტი 5 დღის ვადაში ქვეყნის პრეზიდენტს პრემიერ-მინისტრის კანდიდატურას წარუდგენს. ამასთან, პრემიერ-მინისტრობის კანდიდატი 7 დღის განმავლობაში მინისტრთა კაბინეტს შეარჩევს და პარლამენტს ნდობის მისაღებად წარუდგენს. ახალარჩეული პარლამენტი მინისტრთა კაბინეტის წარდგენიდან არაუგვიანეს 7 დღისა მინისტრებს კენჭს უყრის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს