სოფლის მეურნეობის მინისტრი ლევან დავითაშვილი და სასოფლო-სამეურნეო კოოპერატივების განვითარების სააგენტოს თავმჯდომარე გიორგი მიშელაძე სენაკის  მუნიციპალიტეტის სოფელ უშაფათში მდებარე სასოფლო-სამეურნეო კოოპერატივის „სოფლის იმედი“ წევრებს შეხვდნენ და კოოპერატივის საქმიანობას ადგილზე გაეცნენ.

კოოპერატივში „სოფლის იმედი“ 31 მეპაიე გაერთიანებულია. კოოპერატივი თხილის წარმოება-გადამუშავებას ახორციელებს.   ENPARD-ის (განმახორციელებელი CARE international) ფარგლებში, კოოპერატივმა  გრანტის  სახით თხილის გადამუშავებისთვის საჭირო მოწყობილობები -  თხილის საშრობი, სატეხი, კალიბრატორი და გამწოვი მიიღო. 

2015 წელს კოოპერატივმა 300 ტონა თხილი გადაამუშავა. წარმოებული პროდუქციის რეალიზაცია ადგილობრივ ბაზარზე ხორციელდება.

დღეისათვის სამეგრელო-ზემო სვანეთის რეგიონში  რეგისტრირებულია 138 სასოფლო-სამეურნეო კოოპერატივი (ზუგდიდის  მუნიციპალიტეტში - 32, აბაშის მუნიციპალიტეტში - 17, ხობის  მუნიციპალიტეტში - 10, სენაკის მუნიციპალიტეტში - 11,  ჩხოროწყუს მუნიციპალიტეტში - 9,  წალენჯიხის მუნიციპალიტეტში - 31,  მესტიის მუნიციპალიტეტში - 14,  მარტვილის მუნიციპალიტეტში - 14), რომელშიც   გაერთიანებულია 1984 მეპაიე.

სამეგრელოს რეგიონში სასოფლო-სამეურნეო კოოპერატივების საქმიანობის ძირითადი დარგებია: მეცხოველეობა, მეფუტკრეობა, მებოსტნეობა, მემარცვლეობა, მეციტრუსეობა და მეთხილეობა.

,,სასოფლო-სამეურნეო კოოპერატივების მცირე გაბარიტიანი აგროტექნიკით აღჭურვის პროგრამის“ ფარგლებში, სამეგრელოს   რეგიონში 55  სასოფლო-სამეურნეო კოოპერატივზე გაცემულია 112 აგროკომპლექტი და 8 ხელის სათესი.

სასოფლო-სამეურნეო კოოპერატივების შექმნა  ხელს უწყობს  ფერმერთა ძლიერი ფენის ჩამოყალიბებას, თანამედროვე ტექნოლოგიებისა და სტანდარტების დანერგვას, სოფლად დამატებითი სამუშაო ადგილების შექმნას,  ადგილობრივი პროდუქციის  წარმოების წახალისებას და მისი კონკურენტუნარიანობის ზრდას. 

17 ოქტომბრის მდგომარეობით, საქართველოს მასშტაბით რეგისტრირებულია 1647 სასოფლო-სამეურნეო კოოპერატივი, სადაც გაერთიანებულია 14 238 მეპაიე. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობა ფარტენაძის მიმართ ძალადობისა და დანით დაჭრის მუქარის ბრალდებით დაკავებულები გირაოს სანაცვლოდ გათავისუფლდნენ

22-წლიანი პაუზის შემდეგ ქართული საკლუბო ფეხბურთი ევროპულ ასპარეზს დაუბრუნდა

გოცირიძე - „ოცნების“ მთავრობის ნებართვით აფხაზეთში ქართული კომპანიის მიერ საწვავის შეტანა ნიშნავს რუსეთის სამხედრო ბაზების მომარაგებას

თეირანი აშშ-სთან ცეცხლის შეწყვეტის შეთანხმების გახანგრძლივების შესახებ ცნობებს უარყოფს