ევროკავშირის ელჩი საქართველოში იანოშ ჰერმანი იმედოვნებს, საქართველოსთვის ვიზალიბერალიზაციის მინიჭების საკითხი მალე გადაწყდება.

ჰერმანი ამბობს, რომ ზუსტი თარიღის დასახელება არ შეუძლია, თუმცა ყველაფერს აკეთებენ, რომ შედეგი სწრაფად დადგეს:

„ სულ ვამბობ და ახლაც ვიტყვი, იმედი მაქვს, რომ დრო, როდესაც საქართველოს ვიზალიბერალიზაციის საკითხი გადაწყდება, შორს არ არის. არ შემიძლია კონკრეტული თარიღი დავასახელო, მაგრამ მინდა დაგარწმუნოთ, ჩვენ გვესმის, რამდენად მნიშვნელოვანია ეს საქართველოსთვის. ჩვენ ვაცნობიერებთ, რომ ეს არის სფერო, რომელშიც უფრო ფართო მხარდაჭერაა საჭირო, რათა ხალხს შედეგი ჰქონდეს. ჩვენ ამაზე ვმუშაობთ. მინდა ასევე დაგარწმუნოთ, რომ ყველაფერს გავაკეთებთ, იმისთვის, რომ შედეგი შეძლებისდაგვარად სწრაფად დადგეს“,-აღნიშნა იანოშ ჰერმანმა.

შეგახსენებთ, ევროპარლამენტმა  ევროკავშირის საბჭოს მოუწოდა, „შემდგომი გადავადების გარეშე“, დაუყოვნებლივ დაიწყოს მოლაპარაკებები საქართველოსთვის ვიზალიბერალიზაციის მინიჭების საკითხზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს