ევროპისსაბჭომ და  ევროკავშირმა  მედიას აღმოსავლეთ  პარტნიორობის ქვეყნებში  არსებული პროექტების  შუალედური შედეგები წარუდგინეს.

 განსაკუთრებული ყურადღება დაეთმო  საქართველოში არსებულ  რვა პროექტს, რომლებიც  ეხება ადამიანის უფლებათა ევროპული   კონვენციის  განხორციელების ხელშეწყობას, ჯანდაცვასა და  ადამიანის უფლებებს ციხეებში, მედიის თავისუფლებასა და პლურალიზმს, ინტერნეტ თავისუფლებას, ფულის გათეთრებასა და   ტერორიზმის დაფინანსებასთან ბრძოლას, საქართველოს  ადვოკატთა ასოციაციის მხარდაჭერას, ასევე არჩევნების  მხარდაჭერას და ეროვნული უმცირესობების  სამოქალაქო ინტეგრაციას.

საქართველოში აღნიშნული 8 პროექტი  ხორციელდება  ევროკავშირის და  ევროპის საბჭოს დაფინანსებით არსებული  „პროგრამული თანამშრომლობის ჩარჩოს“  (PCF) 2015-2017 ფარგლებში და მათ ახორციელებს  ევროპის საბჭო. საქართველოში განხორციელებული  პროექტების საერთო ბიუჯეტი 3.6 მილიონ ევროს შეადგენს და გარდა იმ პროექტებისა, რომელთა განხორციელებაც საქართველოშია დაგეგმილი, საქართველო ასევე 14 რეგიონალურ პროექტშიც მონაწილეობს.

„2014 წელს ჩვენ შევქმენით პროექტი, რომ ადამიანის უფლებების დაცვით დემოკრატიული ინსიტუტები განვამტკიცოთ, მათ შორის საქართველოშიც. ეს ყველაფერი პარტნიორ ქვეყნებთან ერთად უნდა განვახორციელოთ. დღევანდელი შეხვედრა არის ჩვენთვის ძალიან მნიშვნელოვანი. გავიდა 2 წელი და ჩვენ უნდა განვიხილოთ განვლილი პერიოდის შედეგები და პრიორიტეტები უნდა შევარჩიოთ. ჩვენ ვიცით, რომ დემოკრატიის ფუნდამენტი არის ადამიანის უფლებები. სწორედ ამიტომ დღეს წარვადგენთ ამ ანგარიშშს. ევროკავშირმა ამ პროექტისთვის 24 მილიონი ევრო გამოყო. ამ პროექტის განხორციელებისთვის ჩვენ 19% ვაფინანსებთ. ეს საკითხი ვიზალიბერალიზაციისთვის ერთ-ერთი ყველაზე ემნიშვნელოვანია და პირდაპირ კავშირშია მასთან. ამიტომ დღეს ვხვდებით, რომ განვიხილოთ, რა გაკეთდა ამ ორი წლის განმავლობაში და კიდევ რა არის გასაკეთებელი“,-განაცხადა იანოშ ჰერმანმა.

შეხვედრაზე სხვა  მომხსენებლები იყვნენ  საქართველოში  ევროპის საბჭოს  ოფისის ხელმძღვანელი კრისტიან ურსე, საქართველოს საგარეო საქმეთა სამინისტროს   საერთაშორისო ორგანიზაციების  დეპარტამენტის დირექტორი  თეა მაისურაძე, პროგრამული თანამშრომლობის ჩარჩო ხელშეკრულების  ეროვნული კოორდინატორი საგარეო საქმეთა სამინისტროში  ინგა კუბეცია, პროგრამული თანამშრომლობის  ჩარჩო ხელშეკრულების  კოორდინატორი ევროპის საბჭოს  ადამიანის უფლებათა  და კანონის  უზენაესობის  გენერალურ დირექტორატში  ევა კონეჩნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს