ოკუპირებული სამხრეთ ოსეთი რუსეთთან საკუთარი ავიაციის შექმნის საკითხს განიხილავს, - ამის შესახებ რუსული სააგენტო TASS-ი ე.წ. სამხრეთ ოსეთის დეფაქტო პრეზიდენტზე ლეონიდ თიბილოვზე დაყრდნობით იუწყება.

როგორც თიბილოვმა აღნიშნა, ავიაცია ავადმყოფების დასახმარებლად სჭირდებათ, რაც უამინდობის გამო დაგვიანებით ხორციელდება.

 “ავიაცია ძალიან გვჭირდება. ჩვენ განვიხილეთ ავიაციის შექმნის საკითხი. ზოგჯერ მთის გზა იკეტება მეწყერის გამო და ჩვენ ავადმყოფების დახმარება შესაძლოა, დავაგვიანოთ”, - განაცხადა თიბილოვმა.

ე.წ პრეზიდენტი აღნიშნავს, რომ საქართველოში განვითარებულია მედიცინის გარკვეული დარგები და სამხრეთ ოსეთის მცხოვრებლები დეფაქტო ხელისუფლებას პერიოდულად მიმართავენ თხოვნით, გაგზავნონ ისინი სამკურნალოდ საქართველოში, სადაც ჩასვლა უფრო სწრაფად არის შესაძლებელი, ვიდრე ჩრდილოეთ ოსეთში.

“ეს ხდება მაშინ, როდესაც სამხრეთ ოსეთსა და საქართველოს არც პოლიტიკური და არც ეკონომიკური ურთიერთობები არ გააჩნიათ, ჟენევის დოსკუსიების პლატფორმის გარდა. საქართველოში ხორციელდება ჯანდაცვასთან დაკავშირებული სამხრეთ ოსეთის მოქალაქეების ჩართულობის სერიოზული პროექტი, რომელსაც დასავლური ქვეყნები აფინანსებენ და მხარს უჭერენ. გამოდის, რომ ეს არის იძულებითი ზომა, ამიტომ აქ სანიტარული ავიაცია და ზოგადად ავიაცია სასარგებლო იქნებოდა”, - განაცხადა ლეონიდ თიბილოვმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს