„აჭარის მთავრობას სათავეში მე თვითონ უნდა ჩავდგომოდი, მაგრამ იქ ერთი კაცი გაგვაყვანინეს, რაც უდაოდ დიდი სიყალბეა“,-ამის შესახებ „ირმა ინაშვილი, დავით თარხან-მოურავი, საქართველოს პატრიოტთა ალიანსი, გაერთიანებული ოპოზიციის“  თავმჯდომარემ დავით თარხან-მოურავმა GDS-ის ეთერში განაცხადა.

თარხან-მოურავის თქმით, აჭარის უმაღლეს საბჭოში ადგილი ზაზა ოქუაშვილს იმიტომ დაუთმო, რომ ერთი მანდატის წარმომადგენლობით, ის დაპირებების ასრულებას ვერ მოახერხებს, პარტიის პოზიციის დაფიქსირებას სიის მეორე ნომერიც შეძლებს.

„ პარტიის პირველი პირი ვარ, ირმა ინაშვილი კი - მეორე. პარტიის სიის პირველი ნომერი მე ვიყავი, მაგრამ შემდეგ ასეთი განცხადება გავაკეთეთ, რომ სიის პირველი ნომერი გენერალური მდივანი, ირმა ინაშვილი იქნებოდა, მე კი აჭარის უმაღლესი საბჭოს სიის პირველი ნომერი ვიქნებოდი იმ მიზნით და იმედით, რომ აჭარაში 8 კაცს მაინც გავიყვანდით, 11-კაციან კოალიციას შევქმნიდით და გვექნებოდა ძალა, აჭარის მთავრობის ხელმძღვანელი დაგვემტკიცებინა. მთავრობას სათავეში მე თვითონ უნდა ჩავდგომოდი, მაგრამ იქ 1 კაცი გაგვაყვანინეს, რაც უდაოდ დიდი სიყალბეა. მე, როგორც პარტიის თავმჯდომარემ, იქ რა შემიძლია გავაკეთო?! დაპირებების ასრულებას ვერ შევძლებ, ამიტომ ჩემმა იქ ყოფნამ აზრი დაკარგა. პარტიის პოზიციის დაფიქსირებას სიის მეორე ნომერიც შეძლებს, მესამეც და მეოთხეც. მე კი, პარტიას უნდა ვუხელმძღვანელო“, -აღნიშნა დავით თარხან-მოურავმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს