„რასაკვირველია უფრო ადვილია  იყო სიაში და ამ სიით გახვიდე პარლამენტში ყოველგვარი ზედმეტი ვალდებულებების გარეშე“, - ასე აფასებს ფრაქცია „ქართული ოცნების თავმჯდომარე გია ვოლსკი „ნაციონალური მოძრაობის“ წევრის, სანდრა რულოვსის მიერ საპარლამენტო არჩევნების მეორე ტურში მონაწილეობაზე უარის თქმას.

როგორც ვოლსკიმ „ექსპრესნიუსს“ განუცხადა, "როდესაც მაჟორიტარი ხარ, ხალხს ბევრი კითხვები უჩნდება და რთულია ყველას უპასუხო".

მისივე თქმით, „ნაციონალური მოძრაობის“  წარმომადგენლებთან და მათ შორის სანდრა რულოვსთან, ხალხს ძალიან ბევრი შეკითხვა აქვს. 

„ჩემთვის ყოველშემთხვევაში, ორი თემა გამოიკვეთა, რაც ზედაპირზე ჩანს. ძალიან რთულია ბევრ შეკითხვას გასცე პასუხები. როდესაც მაჟორიტარი დეპუტატი ხარ,  ასეთი კითხვები ბევრი უჩნდება ხალხს და მოგიწევს პასუხის გაცემა. როდესაც შვილმოკლულმა დედამ   რულოვსს  პასუხებისთვის მიმართა,  მან  უთხრა, რომ  ეს სააკაშვილის პერიოდში მოხდა და მე არ ვარ პასუხისმგებელიო.  ეს პასუხი შესაბამისი ნამდვილად არ იყო. ეს არის ერთ-ერთი მაგალითი. „ნაციონალური მოძრაობის“  წარმომადგენლებთან ძალიან ბევრი შეკითხვებია, განსაკუთრებით კი მაჟორიტარებთან და მათ შორის სანდრა რულოვსთან.  რთულია ამ საკითხებზე პასუხის გაცემა და აბსოლუტურად არასაკმარისია რულოვსის მხრიდან  იმის თქმა, რომ ეს მოხდა მისი მეუღლის ხელისუფლების  პერიოდში.  რასაკვირველია უფრო ადვილია  იყო სიაში და ამ სიით გახვიდე პარლამენტში ყოველგვარი ზედმეტი ვალდებულებების გარეშე.
არის მეორე საკითხიც, რომელიც აბსოლუტურად გაგრძელებაა იმ ხაზის, რომელსაც „ნაციონალური მოძრაობა“  დიდი ხანია ეწევა, მას მერე რაც არჩევნები წააგეს.   ეს არის რაც შეიძლება მეტი ზიანის მიყენება და დისკრედიტაცია ხელისუფლების, შესაბამისად საქართველოს ინტერესების  საერთაშორისო დონეზე. წინააღმდეგ შემთხვევაში, რაღაც  პოზიცია  უსუსტდებათ.  ეს ორივე საკითხი გამოიკვეთა და ვფიქრობ, რომ ერთ და მეორე ამოცანასაც გაართვა თავი, ოღონდ საკუთარი შეხედულებიდან გამომდინარე. პარტიაში შიგნით რა იყო, რა ხდებოდა, იყო თუ არა შეთანხმებული, მართალი გითხრათ, ნაკლებად მაინტერესებს“,-განაცხადა გია ვოლსკიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს