საკონსტიტუციო სასამართლომ უნდა აღიდგინოს შელახული იმიჯი, რომელიც „ნაციონალური მოძრაობის“ პოლიტიკური გავლენის გამო ჰქონდა და ეს უნდა გააკეთოს ახალმა თავმჯდომარემ, - ამის შესახებ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ეკა ბესელიამ საკონსტიტუციო სასამართლოს ახალ თავმჯდომარესთან დაკავშირებული საკითხის კომენტირებისას განაცხადა.

როგორც ბესელია აღნიშნავს, მთავრობამ წესი შეცვალა, რომლის მიზანი იყო, არ დანიშნულიყო საკონსტიტუციო სასამართლოს თავმჯდომარე, არამედ თავად მოსამართლეებს აერჩიათ ის.

„თქვენ გახსოვთ, პოლიტიკური შეთანხმების საგანი იყო, ვინ იქნებოდა საკონსტიტუციო სასამართლოს თავმჯდომარე და სწორედ ჩვენი ცვლილებით, რომელსაც ბევრი ოპონენტი ყავდა, გახდა შესაძლებელი, რომ ეს წესი შემოღებულიყო. არ დანიშნულიყო საკონსტიტუციო სასამართლოს თავმჯდომარე, არამედ თავად მოსამართლეებს აერჩიათ. სასამართლოს დამოუკიდებლობის გაზრდის თვალსაზრისით, მივეცით შესაძლებლობა, პირველად თავად აერჩიათ საკონსტიტუციო სასამართლოს თავმჯდომარე, რაც თავისთავად გაზრდის მოსამართლეთა დამოუკიდებლობას, თავმჯდომარის ლეგიტიმაციას, რადგან ის არის არჩეულ პირი”, - განაცხადა ეკა ბესელიამ.

მისი თქმით, ახალ თავმჯდომარეს და მოსამართლეებს შესაძლებლობა აქვს ემსახურონ მართლმსაჯულებას და ადამიანის უფლებების მაღალ სტანდარტს.

„თავმჯდომარეს ექნება უფრო მაღალი ლეგიტიმაცია. ვფიქრობ, ეს არის ის ფაზა და დასაწყისი, როდესაც საკონსტიტუციო სასამართლომ შელახული იმიჯი, იმ პოლიტიკური გავლენის გამო, რაც მას ჰქონდა „ნაციონალური მოძრაობის“ მიერ დატოვებული ცუდი მემკვიდრეობით, უნდა აღიდგინოს და ეს უნდა გააკეთოს ახალმა თავმჯდომარემ, განახლებულმა შემადგენლობამ და გათვისუფლებულმა მოსამართლეებმა, რომლებსაც დღეს აქვთ შესაძლებლობა ემსახურონ სწორედ მართლმსაჯულებას და ადამიანის უფლებების მაღალ სტანდარტს”, - განაცხადა ეკა ბესელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია