ცენტრალურმა საარჩევნო კომისიამ საპარლამენტო არჩევნების მეორე ტურების და რამდენიმე უბანზე განმეორებითი კენჭისყრის თარიღი დაასახელა.

პარლამენტის არჩევნების მეორე ტურები 30 ოქტომბერს, 48 მაჟორიტარულ საარჩევნო ოლქში გაიმართება, რადგან ორ ოლქში განმეორებითი კენჭისყრაა დაგეგმილი. განმეორებითი კენჭისყრა 22 ოქტომბერს ზუგდიდსა და მარნეულში ჩატარდება, რის შემდეგაც მეორე ტურის ჩატარების საკითხები გადაწყდება.

„გარდა ამისა, ცენტრალურმა საარჩევნო კომისიამ დანიშნა ახალციხის მერის მეორე ტურის არჩევნები. ასევე, თვითმმართველი თემის, ბოლნისისა და ხარაგაულის მუნიციპალიტეტების გამგებლების არჩევნების მეორე ტური, რომლებიც ასევე 22 ოქტომბერს გაიმართება. რაც შეეხება ზუგდიდის მუნიციპალიტეტის გამგებლის არჩევნებს, ჯერ გაიმართება განმეორებითი კენჭისყრა და განმეორებითი კენჭისყრის შედეგების მიხედვით გადაწყდება, უნდა გაიმართოს თუ არა მეორე ტურები“, - განაცხადა ცესკო-ს სპიკერმა ანა მიქელაძემ.

მისივე თქმით, ცესკო-ს საარჩევნო კომისიის მიერ მიღებული სამართლებრივი აქტით, განისაზღვრა სავარაუდო ბიუჯეტი, რაც საჭირო იქნება მეორე ტურის არჩევნებისა და განმეორებით კენჭისყრის ჩატარებისთვის. ბიუჯეტი დაახლოებით 6 მილიონამდე ლარით განისაზღვრა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს