საგარეო საქმეთა მინისტრი მიხეილ ჯანელიძე ევროპის რეფორმატორებისა და კონსერვატორების ჯგუფის კონფერენციას საპატიო სტუმრის სტატუსით დაესწრება.

მინისტრი მონაწილეობას მიიღებს ევროპის კონსერვატორებისა და რეფორმატორების ჯგუფის (ECR)  კონფერენციაში, რომელიც პოლონეთის ქალაქ კრაკოვში იმართება. იგი სიტყვით გამოვა სამდღიანი სამუშაო სესიის  პანელზე, რომელიც ვარშავის სამიტის შემდგომ ევროპის უსაფრთხოების საკითხებს შეეხება.

საგარეო უწყების ინფორმაციით, საკუთარ გამოსვლაში მიხეილ ჯანელიძე ისაუბრებს, როგორც ევროატლანტიკური სივრცის უსაფრთხოების, ასევე საქართველოს ევროპული და ევრო-ატლანტიკური ინტეგრაციის საკითხებზე. 

საქართველოს საგარეო საქმეთა მინისტრთან ერთად აღნიშნულ პანელზე მიწვეულია ასევე პოლონეთის საგარეო საქმეთა მინისტრი ანტონი მაჩერევიჩი. ღონისძიების ფარგლებში ასევე გაიმართება მიხეილ ჯანელიძისა და ანტონი მაჩერევიჩის პირისპირ შეხვედრა.

მიხეილ ჯანელიძე ევროპის კონსერვატორებისა და რეფორმების ჯგუფის (ECR) შეხვედრაზე ევროპარლამენტის ვიცე-სპიკერის რიჩარდ ჩარნიცკის პირადი მიწვევით მიემგზავრება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს