საქართველოს იუსტიციის მინისტრი თეა წულუკიანი „ქართული ოცნების“ მხარდამჭერებს მიმართავს, არჩევნების მეორე ტურში იაქტიურონ.

როგორც წულუკიანმა ჟურნალისტებს განუცხადა, „ნაციონალური მოძრაობის“ ამომრჩეველი ბოლომდე მობილიზებული იქნება და „ქართული ოცნების“ ამომრჩეველიც იგივენაირად უნდა მოიქცეს:

„მეორე ტურის თარიღი ჩანიშნულია. მინდა მივმართო „ქართული ოცნების“ მხარდამჭერებსა და ამომრჩევლებს და ვუთხრა, რომ მეორე ტური არის გადამწყვეტი, გადამწყვეტი იმისათვის, რომ „ქართულ ოცნებას“  პარლამენტში ჰქონდეს კომფორტული უმრავლესობა თუნდაც იმისთვის, რომ მისთვის სასურველი მთავრობა დაამტკიცოს, თუნდაც იმისთვის, რომ კანონები მიიღოს და მათ შორის  ორგანული კანონები მიიღოს. თუ მეორე ტურში „ქართული ოცნების“  კანდიდატებს, ვინც პირველი ტური ვერ მოიგო, არ ექნებათ წარმატება, ასეთ  შემთხვევაში „ქართულ ოცნებას“ ვერ ექნება ის უმრავლესობა, რაც მას მისთვის სასურველ მთავრობას დაამტკიცინებდა. ამიტომაც, ნუ მოუსმენთ იმ უსაფუძვლო პანიკის მცდელობებს, რომ თითქოს საშიშია „ქართული  ოცნების“ მაღალი ხარისხით წარმატება. ყველანი უნდა მივიდეთ  მეორე ტურის არჩევნებზე, რადგან მეორე მხარეს „ნაციონალური მოძრაობის“ ამომრჩეველი ბოლომდე მობილიზებული იქნება. ჩვენც უნდა ვიყოთ შესაბამის ოლქებში ბოლომდე მობილიზებული  იმისათვის, რომ საბოლოო წარმატება დადგეს“,-განაცხადა წულუკიანმა.

ცენტრალურმა საარჩევნო კომისიამ საპარლამენტო არჩევნების მეორე ტურების და რამდენიმე უბანზე განმეორებითი კენჭისყრის სავარაუდო თარიღი დაასახელა.

ცესკო-ს ინფორმაციით, 8 ოქტომბრის პარლამენტის არჩევნების მეორე ტურები 50 მაჟორიტარულ საარჩევნო ოლქში 30 ოქტომბერს გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს