2016-10-12 17:56:11, 854 ნახვა
პოლიტიკა
ვარშალომიძე: ბრძოლას ვაგრძელებთ და გამარჯვებისთვის ვიბრძვით
„მეორე ტურში ბრძოლას ვაგრძელებთ და გამარჯვებისთვის ვიბრძვით“,-ამის შესახებ აჭარის მთავრობის ყოფილმა თვამჯდომარემ, აჭარის უმაღლეს საბჭოში „ნაციონალური მოძრაობის“ სიის პირველმა ნომერმა ლევან ვარშალომიძემ დღევანდელ ბრიფინგზე განაცხადა.
მისივე განცხადებით, აჭარაში არჩევნები გაყალბდა.
„აჭარაში არჩევნები გაყალბდა და უამრავი მტკიცებულებები წარმოგიდგინეთ, ვიდეოებიც, ოქმები და ჩანაწერები. ამის მიუხედავად, მაინც ვაგრძელებთ ბრძოლას, რადგან ჩვენს უკან უამრავი ამომრჩეველია და ჩვენ ხმებს დავიცავთ ბოლომდე. როგორც იცით, 25 ათასამდე ბიულეტენი გაუქმდა აჭარაში და ეს ხელოვნურად მოხდა, ამის ვიდეო მტკიცებულება გვაქვს. ხვალ აუცილებლად შევიტანთ სარჩელს სასამართლოში და იქ გავაგრძელებთ სიმართლისთვის ბრძოლას, რადგან ოლქში ამ საკითხების განხილვაცირკად გადაიქცა”, - აღნიშნა ვარშალომიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
