პარტია „თავისუფალი დემოკრატები“ ვიქტორ დოლიძემაც დატოვა.

როგორც მან დღევანდელ ბრიფინგზე განაცხადა, მოსახლეობამ „თავისუფალი დემოკრატების“ პარლამენტში შესვლას მხარი არ დაუჭირა, და მოსწონთ თუ არა, მათ არჩევანს პატივს სცემენ.

დოლიძე ამბობს, რომ თავდაცვის სამინისტროს 5 თანამშრომელის ციხიდან გასათავისუფლებად ბოლომდე იბრძოლებს, ასევე როგორც  აღმოსავლეთ  პარტნიორობის საპარლამენტო ასამბლეის  პრეზიდენტი,  ყველაფერს გააკეთებს, რათა ევროკავშირთა უვიზო  მიმოსვლის შესახებ გადაწყვეტილება მალე იქნას მიღებული. დღევანდელ განცხადებაში დოლიძეს  პარტიიდან წასვლის მიზეზებსა და  სამომავლო გეგმებზე დეტალურად არ უსაუბრია:

„მოგვწონს თუ არ მოგვწონს, ეს არის თავისუფალი ხალხის თავისუფლად გაკეთებული არჩევანი. ჩვენ ამას პატივი უნდა ვცეთ. მე ვწყვეტ ამ ეტაპზე პოლიტკურ და პარტიულ საქმიანობას, გავაგრძელებ ბოლომდე 5 უდანაშაულო თავდაცვის სამინისტროს თანამშრომლების,  ჩვენი მეგობრების ციხიდან რაც შეიძლება დროზე გამოსაშვებად ბრძოლას. მე, როგორც აღმოსავლეთ პარტნიორობის საპარლამენტო ასამბლეის პრეზიდენტი,  ვაგრძელებ მუშაობას კიდევ ორი თვე, და ვაგრძელებ იმისათვის, რომ რაც შეიძლება დროულად მიღონ გადაწყვეტილება ევროკავშირთან უვიზო მიმოსვლის დაწესებაზე.ძალიან დიდი გზა გავიარეთ „თავისუფალმა დემოკრატებმა“.ღირსეული გზა ერთობით გავიარეთ. ბევრი საქმე ვაკეთეთ ჩვენ, როგორც ოპოზიციაში ყოფნის, ასევე ხელისუფლებაში ყოფნის პერიოდში. თუმცა მოსახლეობამ ამგვარი არჩევანი გააკეთა და ჩვენ ამას პატივს ვცემთ. იმედი მაქვს, ის ახალგაზრდული შემართება, ის ახალი სისხლი, რომელიც ამ პარტიაში გადაისხმება, თავის შედეგებს გამოიტანს. ცუდია, რომ „თავისუფალი დემოკრატები“ არ არიან პარლამენტში წარმდგენილი, მაგრამ დარწმუნებული ვარ, ისინი პოლიტიკაში კიდევ იტყვიან თავის სათქმელს, რაშიც მე  მათ გვერდით ვიქნები“,-განაცხადა ვიქტორ დოლიძემ.

პარტია დატოვა დავით ონოფრიშვილმაც, რომელმაც ასევე წუხილი გამოთქვა იმის შესახებ, რომ „თავისუფალი დემოკრატები“ პარლამენტში ვერ იქნებიან:

„დიდი ძალისხმევა, დრო,  ენერგია დავუთმემთ, მაგრამ არჩევანი იცით რაც არის. კარგი იქნებოდა, რომ „თავისუფალი დემოკრატები“ ყოფილიყვნენ პარლამენტში. ყველას დიდი მადლობა, ჩემს თანაპარტიელებს. მეც გადავწყიტე არ გავაგრძელო  პარტიული საქმიანობა და რაიმე სხვა საქმით დავკავდე“,-აღნიშნა დავით ონოფრიშვილმა, თუმცა მას არ დაუკონკრეტებია, სად გააგრძელებს მოღვაწეობას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს