პრეზიდენტის შეფასებით, მარნეულის ინციდენტთან დაკავშირებით შინაგან საქმეთა სამინისტრომ მყისიერი და ეფექტური რეაგირება მოახდინა.

ამის შესახებ პრეზიდენტის პრესსპიკერმა ეკა მიშველაძემ „ექსპრესნიუსის“ კითხვაზე საპასუხოდ  განაცხადა.

მისივე თქმით, მარნეულის  და  არჩევნების დღეს გამოვლენილი სხვა ინციდენტები,  პრეზიდენტის მიერ ფასდება როგორც კონკრეტული კრიმინალური შემთხვევები, რომლებსაც სწრაფი და ეფექტური რეაგირება სჭირდება.

„მარნეულის ინციდენტს რაც შეეხება, მასთან დაკავშირებით შსს-ს ჰქონდა მყისიერი და ეფექტური რეაგირება. ეს ინციდენტი მოგეხსენებათ არჩევნების დღეს მოხდა.  ზოგადად ბევრი ექსცესები  იყო ამ პერიოდში. ცხადია, ეს შემთხვევები არის გამონაკლისი და საარჩევნო კლიმატის განმსაზღვრელი თემა არ ყოფილა.  მთელი საარჩევნო პროცესის განმავლობაში პრეზიდენტი საუბრობდა  იმაზე, რომ გარკვეულ პოლიტიკურ ძალებში არსებობენ აგრესიისკენ მიდრეკილი დაჯგუფებები და რომ საჭირო იყო ამ დაჯგუფებების გარკვეულწილად მოთოკვა. ეს ცალკეული დარღვევები, რომლებზეც თქვენ საუბრობთ, მათ შორის მარნეულის შემთხვევა, პრეზიდენტის მიერ ფასდება, როგორც კონკრეტული კრიმინალური შემთხვევა, რომელსაც სწრაფი და ეფექტური რეაგირება სჭირდება, განსაკუთრებით მაშინ,   როცა წინ არჩევნების მეორე ტურია“,-განაცხადა მიშველაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია