ამერიკის შეერთებული შტატების საელჩო  საქართველოს საპარლამენტო არჩევნებს აფასებს.

როგორც  განცხადებაშია აღნიშნული, აშშ-ის საელჩო საქართველოს კონკურენტულ არჩევნებს ულოცავს, რომელიც ეუთო-ს დემოკრატიული ინსტიტუტებისა და ადამინის უფლებათა ოფისის შეფასებით, ძირითადი თავისუფლებების დაცვით ჩატარდა.

„ამერიკის შეერთებული შტატების საელჩო ულოცავს საქართველოს კონკურენტულ და კარგად ორგანიზებულ არჩევნებს, რომელიც ეუთოს დემოკრატიული ინსტიტუტებისა და ადამინის უფლებათა ოფისის შეფასებით ზოგადად ძირითადი  თავისუფლებების დაცვით ჩატარდა 8 ოქტომბერს. აგრეთვე აღვნიშნავთ, რომ არჩევნები მინდინარეობდა წესრიგის დაცვით, მაგრამ ვწუხვართ, რომ დაძაბულობამ იმატა დღის განმავლობაში და ადგილი ჰქონდა რამდენიმე ძალადობრივ ინციდენტს საარჩევნო უბნებში.  მტკიცედ ვგმობთ ძალადობისა და დაშინების ცალკეულ შემთხვევას და მოვუწოდებთ ყველა ამ ინციდენტის სრული და   დაბალანსირებული გამოძიებისკენ კანონის უზენაესობის დაცვით“, - ნათქვამია განცხადებაში.

ამასთან, საელჩოში აცხადებენ, რომ  ეს არჩევნები პირველი ნაბიჯია იმ პროცესში, რომელიც მოიცავს განმეორებით კენჭისყრას.

„მოვუწოდებთ ყველა პარტიასა და მათ მხარდამჭერებს წყნარი და მშვიდობიანი გზით მიუდგნენ ამ არჩვნებს და გადაჭრან არჩევნებთან დაკავშირებული ნებისმიერი საკითხი   საქართველოს კანონმდებლობასთან შესაბამისობაში.  ჩვენ გავაგრძელებთ პროცესის მონიტორინგს, შესაბამისად დავაკვირდებით მომავალ საარჩევნო კამპანიასა  და განმეორებით კენჭისყრას“, - ნათქვამია აშშ-ის საელჩოს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს