2016-10-10 16:11:15, 809 ნახვა
პოლიტიკა
თუ "პატრიოტთა ალიანსი" 5%-ს ვერ მიიღებს, ცესკო მათ პარლამენტში შესვლაზე იმსჯელებს
ცენტრალური საარჩევნო კომისიის ინფორმაციით, ,,პატრიოტთა ალიანსს“ 15:00 საათის მონაცემებით, 4,998%-ი აქვს მიღებული.
როგორც ცესკო-ს სპიკერმა ანა მიქელაძემ აღნიშნა, იმ შემთხვევაში თუ "ალიანსი" 5%-ს ვერ მიიღებს, კომისია მათ პარლამენტში შესვლაზე იმსჯელებს.
,,15:00 საათის მონაცემებით, „საქართველოს პატრიორტთა ალიანსს“ მიღებული აქვს 88 132 ხმა, ეს არის 4.998%. აღნიშნული პროგრამამ ავტომატურად დაამრგვალა, რადგან სადღაც ხომ უნდა გაჩერდეს. ელემენტარული მათემატიკა არის. თუმცა ამ წუთის მონაცემებით, 4.998% არის თუ არა საკმარისი იმისთვის, რომ აღნიშნულმა პარტიამ გადალახოს 5%-იანი ბარიერი, თუკი მონაცემები არ იქნება შეცვლილი, ამაზე საარჩევნო ადმინისტრაცია, ცესკო იმსჯელებს და პასუხი იქნება ცნობილი“, - განაცხადა ანა მიქელაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
