„თავისუფალი დემორკატების“ ლიდერი ირაკლი ალასანია პოლიტიკიდან მიდის, - ამის შესახებ მან დღეს გამართულ ბრიფინგზე განაცხადა.

როგორც ალასანიამ აღნიშნა, მან მიიღო გადაწყვეტილება, რომ კამპანია დროებით შეაჩეროს. 

"მინდა უდიდესი მადლობა გადავუხადო მოქალაქეებს, რომლებმაც მხარი დამიჭირეს, მე მივიღე გადაწყვეტილება რომ შევაჩერო ჩემი კამპანია, რადგან ჩვენი შეთავაზებების შესრულებას სჭირდება გუნდი, რომელსაც უნდა ემუშავა პარლამენტში. სამწუხაროდ, ამის შესაძლებლობა არ მოგვეცა. ვინაიდან ვერ ვხედავ შესაძლებლობას, რომ აქტიურად მოვახდინო გავლენა ქვეყანაში მიმდინარე პროცესებზე, მივიღე გადაწვეტილება დროებით გავიდე პოლიტიკადან", - განაცხადა ალასანიამ. 

ცნობისთვის, ირაკლი ალასანიამ საკუთარი კანდიდატურა გორის 41-ე მაჟორიტარული ოლქის არჩევნებიდან, სადაც პირველადი მონაცემებით, 19,38%-ით მეორე ადგილი უკავია და მეორე ტურში უწევდა მონაწილეობის მიღება, მოხსნა.

შეგახსენებთ, რომ 2006 წელს ირაკლი ალასანია იყო საქართველოს მუდმივი წარმომადგენელი გაერო-ში. ამ თანამდებობიდან 2008 წლის 4 დეკემბერს გადადგა. 

ამასთანავე, 2004 წლის სექტემბრიდან 2006 წლის მარტამდე ალასანიას აფხაზეთის ავტონომიური რესპუბლიკის მთავრობის თავმჯდომარის და კონფლიქტების მოწესრიგების საკითხებში საქართველოს პრეზიდენტის მრჩეველი იყო. 

2009 წერლს პოლიტიკოსმა პარტია "თავისუფალი დემოკრატები" დააფუძნა. 2012 წელს, კოალიცია "ქართულ ოცნებას" შეუერთდა და 2 წლის განმავლობაში თავიდაცვის მინისტრის პოსტს იკავებდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია